دورِ اول كي مثال

دورِ قديم ميں اسلام كو غير معمولي عظمت ملي۔ يه ايك تاريخي حقيقت هے، جس سے انكار نهيں كياجاسكتا۔ تقريباً ايك هزار سال تك اسلام كو آباد دنيا كے قائد كي حيثيت حاصل رهي هے۔ اسلام كو يه عظيم حيثيت اتفاقاً نهيں ملي، اور نه مطالبات كے ذريعه اس كو يه حيثيت حاصل هوئي۔ اس كي وجه قدرت كا وهي ابدي قانون تھا، جس كا اوپر ذكر هوا، يعني نفع بخشي اور فيض رساني۔

دنيا كو اسلام سے جو كچھ ملا، اس كے بهت سے پهلو هيں۔اس كا ايك پهلو يه هے كه اسلام نے دنيا كو توهمات (superstitions) كے دور سے نكالا، اور اس كو پهلي بار سائنس كے دور ميں داخل كيا۔

آج كي دنيا جس چيز كو اپنے ليے سب سے بڑي نعمت سمجھتي هے وه سائنس هے۔ اور تمام محققين اور منصف مورخين نےتسليم كيا هے كه يه دراصل اسلام هے جس نے سائنس كے دور كو پيدا كيا۔ يهاں هم صرف ايك مغربي مصنف مسٹر بريفالٹ كا قول نقل كريں گے۔ وه اس موضوع پر تفصيلي بحث كرتےهوئے لكھتے هيں كه اگر چه يورپي ترقي كا كوئي بھي پهلو ايسا نهيں جس ميں اسلامي تهذيب كي فعال اثر انگيزي ديكھي نه جاسكتي هو۔ مگر وه سب سے زياده واضح اس قوت كي پيدائش ميں هے جو جديد دنيا كي سب سے بڑي طاقت هے۔ يعني طبيعي سائنس اور سائنسي اسپرٹ۔ هماري سائنس پر عربوں كا قرض انقلابي نظريات كي دريافت كي حد تك نهيں هے۔ سائنس اس سے كهيں زياده عرب تهذيب كي احسان مند هے، وه خود اپنےوجود كے ليے اس كي مرهون منت هے:

For although there is not a single aspect of European growth in which the decisive influence of Islamic culture is not traceable, nowhere is it so clear and momentous as in the genesis of that power which constitutes the permanent distinctive force of the modern world, and the supreme source of its victory -natural science and the scientific spirit... The debt of our science to that of the Arabs does not consist in startling discoveries of revolutionary theories; science owes a great deal more to Arab culture, it owes its existence.  (Briffault: Making of Humanity, London, 1919, pp. 190-91)

يه ايك معلوم تاريخي حقيقت هے كه قديم زمانه ميں تمام دنيا ميں شرك كا غلبه تھا۔ تمام قوميں بے شمار ديوتاؤں كو پوجتي هيں۔ هندستاني روايات كے مطابق ان كي تعداد 33 كروڑ تك پهنچ گئي تھي۔ انسائيكلو پيڈيا برٹانيكا (1984) ميں تعدد آلهه كےعنوان كے تحت بتايا گيا هے كه مذاهب ميں عمومي طورپر يه بات پائي گئي هے كه فطرت كي طاقتوں اور فطرت كے مظاهر كو خدا مان ليا جاتا هے۔ نهايت آساني كے ساتھ ان كو تين قسموں ميں بانٹا جاسكتا هے— آسماني، فضائي اور زميني۔ يهي تقسيم بجائے خود هند آريائي مذهب ميں تسليم كي گئي هے، چنانچه سورج ان كے يهاں آسماني خدا هے۔ اِندر فضائي خداهے جو طوفان، بارش اور جنگ لانے والا هے۔ اگني (آگ كا ديوتا) زميني واقعات كا سبب هے:

A widespread phenomenon in religions is the identification of natural forces and objects as divinities. It is convenient to classify them as celestial, atmospheric, and earthly. This classification itself is explicitly recognized in Indo-Aryan religions: Surya, the sun god, is celestial; Indra, associated with storms, rain, and battles, is atmospheric; and Agni, the fire god, operates primarily at the earthly level (14/785)

اسلام سے پهلے انسان كا حال يه تھا كه وه هر چيز كو پوجتا تھا۔ وه سورج اور چاند سے لے كر دريا اور پهاڑ تك هر چيز كے آگے جھكتا تھا۔ درختوں ميں اس نے درخت خدا (plant deities)اور جانوروں ميں اس نے جانور خدا (animal deities) بنا ركھے تھے۔ دنيا كي تمام چيزيں معبود بني هوئي تھيں، اور انسان ان كا عبادت گزار۔ اس طرح انسان نے اپني عظمت كھو دي تھي۔ اسلام كے ذريعه تاريخ ميں جو انقلاب آيا اس نے پهلي بار انسان كو اس كي عظمت عطا كي۔

شرك (بالفاظ ديگر مظاهر فطرت كي پرستش) كا رواج قديم زمانه ميں سائنسي ترقيوں ميں ركاوٹ بناهوا تھا۔ انسان فطرت كے مظاهر كو معبود سمجھ كر انھيں تقدس كي نظر سے ديكھتا تھا۔ اس ليے اس كے اندر يه جذبه هي پيدا نهيں هوتا تھاكه وه ان مظاهر كي تحقيق كرے، اور ان كو اپنے فائدے كے ليے استعما ل كرے۔ فطرت كے مظاهر جب پرستش كاموضوع بنے هوئے هوں تو اسي وقت وه تحقيق كا موضوع نهيں بن سكتے۔ يه بنيادي سبب تھا جو طبيعي سائنس كا دور شروع هونے ميں ركاوٹ بنا هوا تھا۔ اسلام نے تاريخ ميں پهلي بار اس سبب كو ختم كيا، اس ليے اسلام كے بعد تاريخ ميں پهلي بار يه ممكن هوا كه طبيعي سائنس كا دور شروع هوا، ور بالآخر اس حد كو پهنچا جهاں هم آج اس كو ديكھ رهے هيں۔

آرنلڈ ٹوائن بي نے بجاطورپر لكھا هے كه يه در اصل توحيد(Monotheism) كا عقيده هے جس نے جديد سائنس اور صنعتي دور كو پيدا كيا۔ كيوں كه توحيد كے انقلاب سے پهلے دنيا ميں عملي طورپر شرك كا غلبه تھا۔ شرك كے عقيده كے تحت آدمي فطرت (Nature) كو پوجنے كي چيز سمجھے هوئے تھا۔ پھر وه اس كو تحقيق و تسخير كي چيز كيسے سمجھتا۔ جب كه فطرت كو تحقيق اور تسخير كي چيز سمجھنے كے بعد هي اس علم كا آغاز هوتا هے جس كو طبيعي سائنس كهتے هيں۔

قرآن ميں مختلف انداز سے يه بات كهي گئي هے كه زمين وآسمان كي نشانيوں (مظاهر فطرت) پر غور كرو۔ قرآن ميں اس قسم كي سات سو آيتيں شمار كي گئي هيں جن ميں مظاهر فطرت پر غور كرنے كي تلقين كي گئي هے۔اگر بالواسطه آيتوں كو بھي شامل كيا جائے تو ان كي تعداد ايك هزار تك پهنچ جائے گي۔ يه معلوم انساني تاريخ ميں بالكل نئي آواز تھي۔ كيوں كه اس سے پهلے انسان صرف يه جانتا تھا كه وه مظاهر فطرت كو پوجے۔ ايك ايسي دنيا جس ميں هزاروں برس سے انسان صرف يه جانتا تھا كه مظاهر فطرت پوجنے كي چيزهيں، وهاں قرآن نے يه آواز بلند كي كه مظاهر فطرت اس ليے هيں كه ان پر غور كيا جائے، اور ان ميں چھپي هوئي حكمتوں كو دريافت كيا جائے۔

اسلام كا يه پيغام صرف پيغام نه رها بلكه سو سال كےاندر هي وه ايك عالمي انقلاب بن گيا۔ اس نے اولاً عرب كے دل ودماغ كو فتح كيا۔ پھر وه ايشيا اور افريقه اور يورپ تك پهنچ گيا۔ اس نے عرب كے بُت خانے ختم كرديئے۔ ايراني اوررومي شهنشاهتيں اس زمانه ميں شرك كي سب سے بڑي سرپرست تھيں، دونوں كو اسلام نے مغلوب كرليا اور توحيد كا غلبه تقريباً پوري آباد دنيا ميں قائم كرديا۔

اسلام كي اس نفع بخشي كو تمام منصف مزاج مورخين نے تسليم كيا هے۔ يهاں هم انسائيكلوپيڈيا برٹانيكا (1984) كا ايك پيراگراف نقل كرتے هيں:

Islamic culture is the most relevant to European science. There was active cultural contact between Arabic-speaking lands and Latin Europe. Conquests by the Prophet's followers began in the 7th century, and, by the 10th, Arabic was the literate language of nations stretching from Persia to Spain. Arabic conquerors generally brought peace and prosperity to the countries they settled.  (16/368)

اسلامي تهذيب كا تعلق يورپي سائنس سے بهت زياده هے۔ عربي زبان بولنے والے علاقوں اور لاتيني يورپ كےدرميان نهايت گهرا ربط قائم تھا۔ پيغمبر كے پيروؤں كي فتوحات ساتويں صدي عيسوي ميں شروع هوئيں، اور دسويں صدي تك يه حال هوگيا كه عربي زبان ايران سے لے كر اسپين تك كي تمام قوموں كي علمي زبان بن گئي۔ عرب فاتحين جهاں گئے وهاں عام طورپر وه امن اور خوش حالي لے گئے۔ قرآن كے ذريعه عالمي سطح پر جو فكري انقلاب آيا اس نے تاريخ ميں پهلي بار نئي قسم كي سرگرمياں شروع كرديں۔ انسان نے اپنے آپ كو ايك ايسي دنيا ميں پايا جو پوجنے كي چيز نهيں بلكه برتنے كي چيز تھي، جس كا وه تابع نه تھا بلكه وه اس كے ليے مسخر كي گئي تھي كه وه اس كو اپنا تابع بنائے۔ چنانچه اسلام كے عظيم الشان اعتقادي انقلاب كے ساتھ ايك عظيم الشان علمي اور ذهني انقلاب بھي شروع هوگيا۔ اسلام كے ماننےوالوں نے جب ايك قادرِ مطلق خدا كو پايا تو اسي كے ساتھ انھوں نے  دوسري تمام چيزوں كو بھي پاليا۔ انھوں نے هر ميدان ميں ترقياں شروع كرديں۔ ان سے دنيا كو وه چيزيں ملنے لگيں جو ابھي تك اس كو نهيں ملي تھيں۔ چنانچه اس دور ميں پيداهونے والي جتني بھي قابلِ ذكر ترقياں هيں ان كامطالعه كيجيے تو هر ترقي كے پيچھے كسي نه كسي مسلمان كا هاتھ كام كرتا نظر آئے گا۔