چند تاريخي حوالے

توحيد اس دنيا كي سب سے بڑي سچائي هے۔توحيد كو اختيار كرنے كي وجه سے دورِ اول كے مسلمانوں كے ليے يه ممكن هوا كه وه دنيا والوں كے درميان ايك ايسي برادري بن كر ابھريں جن كا هر طرف استقبال كيا جائے اور جن سے دنيا والوں كو هر قسم كا نفع حاصل هو۔ يهاں هم اس سلسله ميں چند مثاليں درج كريں گے۔

1۔ اسلامي انقلاب كے بعد كئي سو سال ايسے گزرے هيں جب مسلمان ساري دنيا ميں علم طب كے امام تھے۔ دنيا كے بڑے بڑے لوگ مسلم اطباء سے رجوع كرتے تھے، اور طب ميں مسلمانوں كي تصنيفات هر جگه فن طب كا ماخذ بني هوئي تھيں۔ يورپ كا سب سے پهلا ميڈيكل كالج سارنو (اٹلي) ميں قائم هوا۔ يه ميڈيكل كالج گيارھويں صدي عيسوي ميں قائم هوا تھا۔ اس كا نصاب بڑي حد تك ان طبي كتابوں پر مشتمل تھا جو عربي زبان سے لاتيني زبان ميں ترجمه كي گئي تھيں۔ انسائيكلوپيڈيابرٹانيكا (1984) نے اس كے تذكره كے ذيل ميں لكھا هے كه يورپ ميں بارهويں صدي نے عربي سے لاتيني ميں كتابوں كے ترجمه كا ايك هيرووانه پروگرام ديكھا۔يه بات بهت اهم هے كه يورپ كا ابتدائي طبي اسكول جو سلرنو ميں قائم هوا اور دوسرا جو مانٹ پيلير ميں قائم هوا، دونوں عربي اور يهودي ماخذوں سے بهت قريب تھے:

The 12th Century saw a heroic program of translation of works from Arabic to Latin. It is significant that the earliest medical school in Europe was at Salerno and that it was later rivaled by Montpellier, also close to Arabic and Jewish sources. (16/368)

پروفيسر هٹي نےاس سلسله ميں مزيد تفصيل بيان كرتےهوئے لكھا هے كه الزهراوي كي كتاب (التصريف لمن اعجز عن التاليف) كا سرجري سے متعلق حصه گيرارڈ آف كريمونا نے عربي سے لاتيني ميں ترجمه كيا۔ يورپ ميںاس كے مختلف ايڈيشن چھپے۔ وينس ميں 1497 ميں، بيسل ميں 1541 ميں، آكسفورڈ ميں 1778 ميں۔ يه ترجمه صديوں تك سلرنو اور مانٹ پيلير اور دوسرے يورپي طبي اداروں ميں نصابِ تعليم كا جز بنا رها:

This surgical part  was translated into Latin by Gerard of Cremona and various editions were published at Venice in 1497, at Basel in 1541 and  at Oxford in 1778.  It held its place for centuries as the manual  of surgery in Salerno, Montpellier and other early schools  of medicine.

(P. K. Hitti, History of the Arabs. 1979, p. 577)

آج آپ جديد طرز كے كسي اسپتال ياكسي ميڈيكل كالج ميں داخل هوں تو وهاں كي هر چيز آپ كو مغربي تهذيب كا عطيه نظر آئے گي۔ مگر چند سو سال پهلے يه حال تھا كه آپ وقت كے كسي معياري اسپتال يا كسي ميڈيكل كالج ميں داخل هوں تو وهاں كي هرچيز اسلامي تهذيب كا عطيه نظر آتي تھي۔ يه هے وه بنيادي فرق جو مسلمانوں كے ماضي اوران كے حال ميں پيدا هوگيا هے۔

2۔ جغرافيه ايك بے حد اهم سائنس هے۔ اس كا تعلق زندگي كے بے شمار شعبوں سےهے۔ دور اول كے مسلمانوں نے اس فن ميں بھي كمال پيدا كيا۔ مثال كے طورپر الادريسي اپنے زمانه ميں دنيا كا سب سے بڑا جغرافي عالم تھا۔ پروفيسر فلپ هٹي نے اس كي بابت حسب ذيل الفاظ لكھے هيں:

The most distinguished geographer of the Middle Ages.

يعني قرونِ وسطي كا سب سے زياده ممتاز جغرافيه داں۔ الادريسي كے زمانه ميں راجر دوم سسلي كا بادشاه تھا۔ اس كو ايك جغرافي نقشه كي ضرورت هوئي تو اس كو يه نقشه جس نے بنا كرديا وه يهي الادريسي تھا۔ فلپ هٹي نے مزيد لكھاهے:

The most brilliant geographical author and cartographer of the twelfth century, indeed of all medieval time, was al-Idrisi, a descendant of a Spanish Arab family who got his education in Spain. (P. K. Hitti, History of the Arabs, 1979, p. 568)

بارھويں صدي عيسوي كا سب سے زياده باكمال جغرافي مصنف اور نقشه نويس، بلكه پورے قرونِ وسطي كا سب سے بڑا جغرافي عالم بلاشبه الادريسي تھا۔ وه اسپين كے ايك اعلي عرب خاندان ميں پيدا هوا، اور اس كي تعليم اسپين ميں هوئي۔

انسائيكلوپيڈيا برٹانيكا (1984) كے مقاله نگار نے لكھا هے كه الادريسي نے 1154ء ميں سسلي كے مسيحي حكمراں (راجر دوم) كے ليے ايك عالمي نقشه بنايا۔ اس ميں ايشيائي علاقوں كي زياده بهتر معلومات دي گئي تھيں جو اس وقت تك ابھي انسان كو حاصل نه هوئي تھيں:

Al-Idrisi constructed a world map in AD 1154 for the Christian king Roger of Sicily, showing better information on Asian areas than had been available theretofore. (11/472)

موجوده زمانه ميں مسلم ملكوں ميں مغرب كے ماهرين (experts) بھرے هوئے هيں۔ مگر ايك وقت تھا جب كه مسلمان هر شعبه كے ماهرين دنيا كو فراهم كررهے تھے۔ آج مسلمان دنيا والوں سے لے رهے هيں، مگر چند سال پهلے يه حال تھا كه مسلمان دنيا كو دينے والے بنےهوئے تھے۔ كيسا عجيب فرق هے ماضي ميںاور حال ميں۔

3۔  آج مسلم ملكوں كے نوٹ اور سكے مغربي ممالك تيار كرتے هيں، اور اگر كوئي مسلم ملك خود اپنا سكه يا نوٹ تيار كرتاهے تو اس كے ليے بھي وه مغربي ٹكنالوجي كا مرهونِ منّت هے۔ مگر ايك وقت تھا كه يه مقام خود مسلمانوں كو عالمي سطح پر حاصل تھا۔

پروفيسر ايچ. ڈبليو . سي . ڈيوس(H.W.C. Davis) نے اپني كتاب قرونِ وسطي كا انگلستان (Medieval England) ميں انگلستان كےايك قديم سنهرے سكه كي تصوير اس كے دونوں رخ سے چھاپي هے۔ يه سكه برٹش ميوزيم ميں ركھاهوا هے۔ تصوير ميں واضح طورپر نظر آرهاهے كه سكه كے ايك طرف عربي رسم الخط ميں كلمه شهادت لكھا هوا هے اور دوسري طرف اس وقت كے انگلستان كے بادشاه اوفاريكس (Offa Rex) كا نام كنده هے۔ اسي كے ساتھ سكه پر بغداد كے مسلمان سكه گر كانام بھي درج هے۔ سكه كي تصوير كے نيچے پروفيسر ڈيوس نے حسب ذيل الفاظ لكھےهيں:

Anglo-Saxon gold coin imitating an Arab Dinar of the year 774.

يعني قديم انگلستان كا سونے كا سكه جو 774ء ميں ڈھالا گيا اور جس ميں ايك عرب دينار كي نقل كي گئي هے۔ يه ايك تاريخي شهادت هے جو بتاتي هے كه آٹھويں صدي عيسوي ميں مسلمان صنعتي ترقي كے اس مقام پر تھے كه انگلستان كے نامور بادشاه اوفاركس (وفات796ء)كو ضرورت محسوس هوتي تھي كه وه اپنے ملك كا سكه ڈھالنے كے ليے بغداد سے مسلم ماهرين كو بلائے۔ اس وقت انگلستان ميں جو سكه ڈھالا گيا وه مسلم ممالك كے سكه (دينار) كي نقل تھا۔حتيٰ كه مسلم سكوں كي طرح اس پر كلمه شهادت بھي عربي رسم الخط ميں لكھا هوا تھا۔ اس سے اندازه كيا جاسكتا هے كه هزار برس پهلے كے دور ميں اسلامي تهذيب ساري دنيا ميں كس قدر غالب حيثيت ركھتي تھي۔

2۔ واسكوڈي گاما (1524-1469) ايك پرتگالي ملاح تھا۔ اس كو يه خصوصيت حاصل هے كه اس نے 1497 ميں هندستان اور يورپ كے درميان سمندري راسته دريافت كيا جو كيپ آف گڈهوپ هو كر جاتا تھا۔ مگر يه عظيم كاميابي اس كو ايك عرب ملاح احمد بن ماجد كے ذريعه حاصل هوئي۔ اس كي بابت انسائيكلوپيڈيا برٹانيكا (1984) نے حسب ذيل الفاظ لكھے هيں:

Vasco da Gama's Arab pilot, Ahmad ibn Majid. (7/862)

يعني واسكوڈي گاما كا عرب جهاز راں احمد بن ماجد۔ برٹانيكا كے مقاله نگار نے لكھا هے كه واسكوڈي گاما جب پرتگال سے چل كر افريقه پهنچا تو وهاںموزنبيق كے سلطان نے واسكوڈي گاما كو دو مسلم ملّاح ديئے۔ ان ميں سے ايك اس وقت بھاگ گيا جب اس كو معلوم هوا كه يه پرتگالي مسيحي مذهب كے هيں:

The Sultan of Mozambique supplied da Gama two (Muslim) pilots, one of whom deserted when he discovered that the Portuguese were Christians. (7/861)

جس جهاز راں نے واسكوڈي گاما كا ساتھ ديا اس كا نام احمد بن ماجد تھا۔ وه نهايت ماهر تھا اور سمندري جهاز سے اتني واقفيت ركھتا تھا كه اس پر اس نے ايك اهم كتاب لكھي تھي جو مذكوره سفر كے وقت اس كے ساتھ تھي۔

پروفيسر فلپ هٹي نے لكھا هے كه بحري جهاز راني كےموضوع پر ايك خصوصي كتاب احمد بن ماجد كي هے جس ميں بحري جهاز راني كے نظرياتي اور عملي پهلوؤں كي وضاحت كي گئي هے۔ كهاجاتا هے كه 1498 ميں يهي احمد بن ماجد تھا جس نے افريقه سے هندستان تك واسكوڈي گاما كي رهنمائي كي:

And exceptional work of major importance is a compendium of theoretical and practical navigation by Ahmad ibn Majid of Najdi ancestry, who, it is claimed, in 1498 piloted Vasco da Gama from Africa to India.

                    P. K. Hitti, History of the Arabs, 1979, p. 689.

5۔ پندرھويں صدي عيسوي كے آخر ميں جو دريافتيں هوئيں ان ميں سے ايك وه دريافت هے جس كو نئي دنيا (امريكا) كي دريافت كهاجاتا هے۔ يه عظيم دريافت عام طورپر كرسٹوفركولمبس (1451-1506ء) كے نام سے موسوم هے۔ يه صحيح هے كه اٹلي كا كولمبس هي وه شخص هے جس نے اس مهم كي رهنمائي كي۔ مگر اس كو يه تصور دينے والے مسلمان تھے كه وه اٹلانٹك سمندر ميں اپني كشتي اس اميد ميں داخل كرے كه اس ناپيداكنار سمندر كے دوسري طرف اس كو خشكي ملے گي جهاں وه اتر سكے۔

پروفيسر هٹي نے لكھاهے كه عربوں نے زمين كے گول هونے كے قديم نظريه كو زنده ركھا ،جس كے بغير نئي دنيا كي دريافت ممكن نه هوتي۔ اس نظريه كا ايك مبلغ ابو عبيده مسلم البلنسي تھا جس نے اس موضوع پر ايك كتاب بھي لكھي تھي۔ اس كا زمانه دسويں صدي عيسوي كا نصف اول هے۔ زمين كے گول هونے كا نظريه عربي سے لاتيني ميں ترجمه هو كر 1410ء ميں يورپ ميں شائع هوا۔ اس كو پڑھ كر كولمبس نے اس نظريه سے واقفيت حاصل كي۔ اِس سے اُس نے سمجھا كه زمين ايك ناشپاتي كي مانند هے اور يه كه زمين كے مغربي نصف كره ميں بھي ايسا هي ابھار موجود هے جيسا كه اس كے مشرقي نصف كره ميں نظر آتا هے۔ پروفيسر هٹي كے الفاظ يه هيں:

They kept alive the ancient doctrine that the earth was round. We have already referred to the Hindu idea that the known hemisphere of the world had a centre or  “world cupola” situated at an equal distance from the four cardinal points. This arīn theory found its way into a Latin work published in 1410.  From this Columbus acquired the doctrine which made him believe that the earth  was shaped in the form of a pear and that on the western hemisphere opposite the arin was a corresponding elevated  centre.

P. K. Hitti, History of the Arabs, The Macmillan Press Ltd., London, Tenth Edition 1979, p. 570.