عورت کی ذمہ داریا ں

عورت کو مرد کے ساتھ (ایک بیوی کو اپنے شوہر کے ساتھ )کس طرح رہنا چاہیے۔ یہ فطرت کی زبان میں  ہر عورت کے اندر پیشگی طور پررکھ دیا گیا ہے۔ اگر عورت فی الواقع سنجیدہ ہوتو خود اس کی اندرونی فطرت اس معاملہ میں  اس کی رہنمائی کے لیے کافی ہوجائے گی۔ یہی مطلب ہے اس آیت کا کہ پس جوصالح عورتیں ہیں وہ فرماں بردار ہوتی ہیں اور رازوں کی حفاظت کرنے والی ہوتی ہیں (سوره النساء، 4:34)۔

مرد کے حق میں  عورت کی جو ذمہ داریا ں قرآن وسنت میں  بتائی گئی ہیں، وہ دراصل اسی فطرت نسوانی کا تعین ہیں۔ اگر عورت کی فطر ت زندہ ہو، اور وہ حقیقت پسند بن کر زندگی گزارنا چاہے تو وہ اسلام کی ان تعلیمات کو اپنے لیے اجنبی نہیں پائے گی بلکہ ان کو خود اپنے دل کی آواز سمجھ کر انھیں قبول کرلے گی۔ یہاں ہم ان اسلامی اصولو ں کو چند عنوانات کے تحت مختصراً درج کرتے ہیں۔