توازنِ فطرت
قطب جنوبي (انٹاركٹكا) كے بارے ميں روسي جغرافيه سوسائٹي نے تحقيقات كي هيں۔ انھوں نے اندازه لگايا هے كه قطب جنوبي كے اوپر جو برف جمي هوئي هے، وه دنيا بھر كے تازه پاني كا 85 في صد حصه هے۔ اس كي مقدار ڈھائي كرور مكعب ميٹر (cubic metre)هے۔ قطب جنوبي كي برف اس وقت صرف ڈيڑھ كرور مربع ميٹر (square meter)كے علاقے ميں پھيلي هوئي هے۔
اگر اس برف كو دنيا كے تمام خشك حصے پر پھيلا ديا جائے تو موجوده خشك زمين پر 50 ميٹر برف جم جائے گي، اور اگر يه برف اچانك پگھل جائے تو دنيا كے سمندروں كي سطح 60 سے 70 ميٹر تك بلند هوجائے گي، اور زمين كا دس في صد حصه زيرِ آب هوجائے گا۔ اس كا نتيجه يه هوگا كه دنيا بھر كے تمام ساحلي شهر پاني كے نيچے ڈوب جائيں گے۔ حتي كه بهت سے ملك پوری طرح پاني كے نيچے چلے جائيں گے۔ قطب جنوبي كي تمام برف پگھلنے كي صورت ميں سمندر كي اوسط حرارت دو ڈگري كم هوجائے گي۔ اس كي وجه سے زمين پر موسمي تباهي آجائے گي۔ كيوں كه سمندر ميں ايك ڈگري كے هزارويں حصے كي كمي بيشي فضا ميں پوري ايك ڈگري كي حرارت كا فرق پيدا كرتي هے۔
يه ايك چھوٹي سي مثال هے، جس سے اندازه هوتاهے كه زمين پر جو نظام هے، وه كس قدر متوازن نظام هے۔ يهاں بيك وقت مختلف تقاضوں كے درميان اس طرح توازن قائم ركھا گيا هے كه هر چيز صرف اپنا فائده دے، وه اپنے نقصان سے انسان كو بچائے ركھے۔
فطرت کا توازن زمين كے هر معاملے ميں نماياں هے۔ يه واضح طورپر بتاتاهے كه اس دنيا كے پيچھے ايك ذهن كارفرما هے۔ اگر يهاں ذهن كي كارفرمائي نه هو تو موجوده توازن كسي حال ميں برقرار نهيں ره سكتا۔
زمين كا مطالعه كرتےهوئے واضح طورپر ايسا معلوم هوتاهے گويا جس هستي نے زمين كے موجوده حالات كو ايك خاص ڈھنگ پر بنايا هے اس كو معلوم تھا كه يهاں جاندار چيزيں (انسان، حيوان، نباتات) هيں۔ چنانچه يهاں كي هر چيز جاندار اشيا كي ضرورت كے عين مطابق بنائي گئي هے۔ اگر يه واقعه آدمي كو خدا كا يقين نه دلائے تو آخر وه كيا چيز هوگي جو آدمي كو اس كا يقين دلائے گي۔
