ڈارونزم کا نظریہ
انھيں فكري مغالطوں ميں سے ايك مغالطه وه هے جس كو ڈارونزم(Darwinism) كهاجاتا هے۔ اس فكر كو موجوده زمانے ميں بهت زياده مقبوليت حاصل هوئي هے۔ اس نظريے كے بارے ميں بے شمار كتابيں لكھيں گئيں هيں، اور تمام يونيورسٹيوں ميں اس كو باقاعده نصاب ميں داخل كيا گيا هے۔ ليكن اس كا سائنٹفك تجزيه كيجیے تو وه ايك خوب صورت مغالطے كے سوا اور كچھ نهيں۔ ڈارونزم كے نظريے كو دوسرے لفظوں ميں عضوياتي ارتقا (organic evolution)كهاجاتا هے۔
اس كا خلاصه يه هےكه بهت پهلے زندگي ايك ساده زندگي سے شروع هوئي۔ پھر توالد وتناسل كے ذريعے وه بڑھتي رهي۔حالات كے اثر سے اس ميں مسلسل تغير هوتا رها۔ يه تغيرات مسلسل ارتقائي سفر كرتے رهے۔ اس طرح ايك ابتدائي نوع مختلف انواع (species) ميں تبديل هوتي چلي گئي۔ اس لمبے عمل كے دوران ايك مادي قانون اس كي رهنمائي كرتا رها۔ يه مادي قانون ڈارون كے الفاظ ميں نيچرل سلكشن تھا۔ اس نظريے ميں بنيادي خامي يه هے كه وه دومشابه نوع كا حواله ديتاهے، اور پھر يه دعوي كرتاهے كه لمبے حياتياتي ارتقا كے ذريعے ايك نوع دوسري نوع ميں تبديل هوگئي۔ مثلاً بكري دھيرے دھيرے زرافه بن گئي، وغيره۔
يه نظريه بكر ي اور زرافه كو تو هميں دكھاتاهے، ليكن وه درمياني انواع اس كي فهرست ميں موجود نهيں هيں، جو تبديلي كے سفر كو عملی طورپر ثابت کریں۔ نظريهٔ ارتقا كے وكيل ان درمياني كڑيوں كو مسنگ لنك (missing link) كهتے هيں۔ ليكن يه مسنگ لنك صرف ايك قياسي لنك هے۔ مشاهده اور تجربه كے اعتبار سے سرے سے ان كا كوئي وجود نهيں۔
اس نظريے كي مقبوليت كا راز صرف يه تھا كه وه سيكولر اهلِ علم كو ايك كام چلاؤ نظريه (workable theory) دكھائي ديا۔ ليكن كوئي نظريه اس طرح كے قياس سے ثابت نهيں هوتا۔ كسي نظريے كو ثابت شده نظريه بنانے كے ليے ضروري هے كه اس كي پشت پر معلوم حقائق موجود هوں جو اس كي تصديق كرتے هوں، ليكن ڈارونزم كي تائيد كے ليے ايسے حقائق موجود نهيں۔ مثال كے طور پر، ڈارونزم كے مطابق، حياتیاتي ارتقا كے ليے بهت زياده لمبي مدت دركار هے۔ سائنسي دريافت كے مطابق موجوده زمين كي عمر اس كے مقابلے ميں بهت زياده كم هے۔ ايسي حالت ميں بالفرض اگر ارتقا حيات كا ڈرامه ڈارويني نظريه كے مطابق آيا هو تو وه موجوده محدود زمين كے اوپر كبھي واقع نهيں هوسكتا۔
زمين كي محدود عمر كے بارے ميں جب سائنس كي دريافت سامنے آئي تو اس كے بعد ارتقا كے وكيلوں نے يه كهنا شروع كيا كه زندگي باهر كسي اور سياره پر پيدا هوئي، پھر وهاں سے سفر كركے زمين پر آئي۔ اس ارتقائي نظريے كو انھوں نے مفروضه طورپر پينس پرميا (Panspermia) كا نام ديا۔ اب دور بينوں اور خلائي سفروں كے ذريعے خلا ميں كچھ مفروضه سياروں كي دريافت شروع هوئي۔ مگر بے شمار كوششوں كے باوجود اب تك يه مفروضه سياره دريافت نه هوسكا۔
