اختيار اور بے اختياري

مشهور سائنسداں آئن اسٹائن نے طبيعياتي دنيا كےاصول كو ايك لفظ ميں اس طرح بيان كيا هے— توانائي نه پيدا كي جاسكتي، اور نه ختم كي جاسكتي:

Energy can be neither created nor destroyed. (Julian Schwinger: Einstein's Legacy: The Unity of Space and Time, p. 117)

يه واقعه خالق كي قدرتِ كامله كا ثبوت هے۔ انسان موجوده دنيا كو صرف استعمال كرسكتا هے۔ وه اس كو بدلنے يا اس كو مٹانے پر قادر نهيں۔ اسي سے يه بات بھي معلوم هوتي هے كه موجوده دنياميں انسان كي حيثيت كيا هے۔ انسان اس دنيا ميں مالك كي حيثيت سے نهيں هے، بلكه صرف تابع كي حيثيت سے هے۔ اسي صورت ِحال كو مذهب كي اصطلاح ميں امتحان كهاجاتا هے۔ انسان اس دنيا ميں صرف اس ليے آتا هے تاكه وه محدود مدت ميں يهاں ره كر اپنے امتحان كا پرچه پورا كرے۔ اس كے بعدوه يهاں سے چلا جائے گا۔ اس سے زياده كسي اور چيز كا اس كو مطلق اختيار نهيں۔

بعض انسان دنيا كے حالات سے مايوس هو كر خود كشي كرليتے هيں۔ وه سمجھتے هيں كه اس طرح وه اپنے آپ كو ختم يا معدوم كررهے هيں، مگر ايسا هونا ممكن نهيں۔ جس طرح دنيا كي اُس توانائي كو مٹايا نهيں جاسكتا جوماده كے روپ ميں ظاهر هوئي هے۔ اسي طرح يهاں اس توانائي كو مٹانا بھي ممكن نهيں، جو انسان كي صورت ميں متشكل هوتي هے۔ انسان كے اختيار ميں خود كشي هے، مگر انسان كے اختيار ميں معدوميت نهيں۔ يه صورتِ حال علامتي طورپر بتاتي هے كه انسان كا معامله اس دنيا ميں كيا هے۔

انسان كو يه اختيار حاصل هے كه وه حقيقتِ واقعه كا انكار كردے۔ مگر حقيقتِ واقعه كو بدلنا اس كے ليے ممكن نهيں۔ انسان كو يه اختيار هے كه وه سركشي كرے۔ مگر سركشي كے انجام سےخودكو بچانا اس كے ليے ممكن نهيں۔ انسان كو اختيار هےكه وه اخلاقي پابندي كو قبول نه كرے۔ مگر اخلاق كي مطلوبيت كو كائنات سے ختم كرنا، اس كے ليے ممكن نهيں۔ انسان كو يه اختيار هے كه وه جو چاهے كرے ۔مگر اس كو يه اختيار نهيں كه اپنی چاهت كو ايك یونیورسل اصول كي حيثيت دے دے، جس كے مطابق تمام انسانوں كا فيصله كيا جائے گا— انسان اس دنيا ميں آزاد هے، مگر اس كي آزادي محدود هے، نه كه لامحدود۔