بامعني كائنات

اندازه كيا گيا هے كه هماري قريبي كهكشاں ايك لاكھ سال نور (light years)كي وسعت ميں پھيلي هوئي هے۔ اس كهكشاں كے اندر تين لاكھ ملين ستارے پائے جاتے هيں۔ همارا شمسي نظام اس كے مركز سے 27 هزار سال نور كے فاصلے پر واقع هے۔ كهكشاں كے اكثر ستارے ممكن طور پر كسي نه كسي قسم كے سياروں (planets)كا سلسله ركھتے هيں۔ مگر ان ميں سے اكثر سيارے زندگي كے ليے غير موزوں هيں۔ اس كي وجه يه هے كه وه اپنے ستارے سے يا تو بهت زياده قريب هيں يا بهت زياده دور هيں۔ تاهم چوں كه ستاروں كي تعداد بهت زياده هے، خالص حسابي اعتبار سے يه امكان هے كه بهت سے سورج جيسے ستارے هوں، اور اسي طرح بهت سے زمين جيسے سيارے:

It is estimated that our Milky Way galaxy, which is 100,000 light years across, is composed of over 300,000 million stars. Our solar system is situated 27,000 light years away from the centre. Most of the stars are likely to have planets of some sort. But most of these planets will be unsuitable for life, because they are either too near or too far from their parent star. Yet because the number of stars is so great, there must, by sheer statistical probability, be many sun-like stars and earth-like planets. (The Hindustan Times, July 31, 1986, p. 9)

تاهم بے شمار سياروںميں صرف زمین واحد سيارہ ہے، جہاںلائف سپورٹ سسٹم (life support system)پایا جاتا هے۔ لائف سپورٹ سسٹم کیا ہے۔ وہ فطری اسٹرکچر اور نظام، جس کے ذریعے زندگی کے لیے لازمی چیزیں مہیا کی جاتی ہیں۔ مثلاً آکسیجن، کاربن ڈائی آکسائڈ، کھانا، پانی، ناکارہ اشیا کی نکاسی، ٹمپریچر اور دباؤ کو مینج کرنا، وغیرہ:

The natural structures and systems that provides all of the elements essential for maintaining physical well being, as for example, oxygen, carbon dioxide, food, water, disposal of body wastes, and control of temperature and pressure, etc.

اسی فطری نظام کی وجہ سے زمین انسانوں جیسی زندہ مخلوق کے لیے قابلِ رہائش ہے۔ اس قسم كا كوئي اور سياراتي نظام ابھي تك ساري كائنات ميں معلوم نه كيا جاسكا۔ موجوده زمانے ميں سائنس كا ايك مستقل شعبه وجود ميں آيا هے، جس كو ايس اي ٹي آئي(SETI) كهاجاتا هے۔ اس كا مطلب هے — بالائے خلا ذهانت كي تلاش :

Search for Extra-Terrestrial Intelligence

زندگي كے ارتقائي نظريے كے تحت سائنس دانوں كا گمان هے كه كائنات كے دوسرے مقامات پر بھي انسان جيسي ذهين مخلوق هوني چاهيے۔ كيوں كه ارتقائي عمل عموم چاهتا هے، ارتقائي عمل ميں استثناكے ليے كوئي جگه نهيں۔اس فرضي قياس پر جديد انسان كو اتنا زياده يقين هے كه ايك امریکن سائنسي مصنف اسحاق اسيمو (Isaac Asimov, 1920-1992) نے حساب لگا كر اعلان كيا هے كه هماري كهكشاں ميں چار سو ملين سيارے ايسےهيں، جن ميں پودے اور جانور پائے جاتے هيں يا پائے جاسكتے هيں۔ مگر يه سب كا سب محض حسابي قياس هے۔

سورج ايك اوسط درجے كا ستاره هے۔ اس كا قطر(diameter) آٹھ لاكھ 65 هزار ميل هے۔ وه هماري زمين سے تقريباً باره لاكھ گُنا بڑا هے۔ سورج كي سطح پر جو حرارت هے اس كا اندازه باره هزار ڈگري فارن هائٹ ٹمپريچر كيا گيا هے۔ زمين سے سورج كا فاصله تقريباً نو كرور 30 لاكھ ميل هے۔ يه فاصله حيرت انگيز طورپر مسلسل قائم هے۔ يه واقعه همارے ليے بے حد اهميت ركھتا هے۔ كيوں كه اگر يه فاصله گھٹ يا بڑھ جائے تو زمين پر انسان جيسي مخلوق كي آبادكاري ناممكن هوجائے۔مثلاً اگر ايسا هو كه سورج نصف كے بقدر هم سے قريب هوجائے تو زمين پر اتني گرمي پيدا هو كه اس كي شدت سے كاغذ جلنے لگے۔ اس کے برعکس، اگر زمين اور سورج كا موجوده فاصله دگنا سے زياده هوجائے تو اتني ٹھنڈك پيدا هو كه زمين پر زندگي جيسي چيز باقي نه رهے۔ يهي صورت اس وقت پيدا هوگي، جب كه موجوده سورج كي جگه كوئي دوسرا غير معمولي ستاره آجائے۔ مثلاً ايك ستاره هے، جس كي گرمي همارے سورج سے اسي هزار گنا زياده هے، اگر وه سورج كي جگه هوتا تو پوري زمين كو آگ كي بھٹي بنا ديتا۔