6۔  ارتقا كي پيمائش هم كيسے كريں

جان مينرڈ اسمتھ (1920-2004)، پروفيسر حياتيات(Biology)، سسیکس يونيورسٹي، كا خيال هے كه ارتقا كا نظريه ايك ناقابلِ حل اندروني مسئله سے دوچار هے۔ نظريه ارتقا كے تين حقيقي اجزاء هيں— تغير (جين ميں تبديلي كا واقع هونا)، انتخاب (فرق كا باقي رهنا يا مختلف اقسام كي زرخيزي)، اور نقلِ مكاني۔

يه نظريه هميں بتاتا هے كه ان ميں سے هر ايك، اكثر حالات ميں ناقابلِ پيمائش حد تك نچلي سطح پر، ارتقا كے عمل پر گهرے اثرات ڈال سكتاهے۔ اس طرح هم تين طريقوں سے واقف هيں، جن كے متعلق همارا يقين هے كه وه ارتقا كے عمل كا تعين كرتے هيں۔ پھر همارے پاس ايك رياضياتي نظريه هے جو هم كو بتاتاهے كه يه تينوں طريقے ايسي سطحوں پر اپنا اثر ڈالتے هيں، جن كي بالواسطه پيمائش كي هم اميد نهيں ركھتے۔ يه ايسا هي هے جيسے همارے پاس برقي مقناطيسيت كا ايك نظريه تو هو مگر همارے پاس نه تو برقي لهروں كو ناپنے كاكوئي ذريعه هو اور نه مقناطيسي زور كو ناپنے كا۔