تبصره

كائنات اپنے پورے وجود كے ساتھ ايك ايسا واقعه هے، جس كي توجيهه خالق كو مانے بغير نهيں هوسكتي۔ سائنسي مطالعه بتاتا هے كه كائنات ميں عددي تناسب هے۔ يه اس بات كا ثبوت هے كه اس كي تخليق ميں ايك رياضياتي ذهن كام كررها هے۔ انسان كي بناوٹ ميںاتني حكمتيں كارفرما هيں كه كوئي بھي طبيعياتي توجيهه اس كي تشريح كے ليے كافي نهيں هوسكتي۔ ايك جاندار كي آنكھ نكال كر اس كو دوباره الٹ كر لگا دياجائے تو وه جان دار اب بھي ديكھے گا۔ مگر اس كو هر چيز الٹي دكھائي دے گي۔ جسم كے مختلف اجزا جو انتهائي صحت كے ساتھ كام كرتےهيں،وه ايك بے حد نازك تركيب كا نتيجه هوتے هيں۔ آواز سائنسي اعتبار سے كچھ لهروں كا نام هے، مگر يه لهريں انسان كے دماغ ميں داخل هو كر بامعني كلام كي صورت اختيار كرليتي هيں۔ اس قسم كے بے شمار عجائب هماري دنيا ميں پائے جاتے هيں۔ يه يقيني طورپر اس بات كا ثبوت هے كه يه دنيا كوئي اتفاقي حادثه نهيں بلكه سوچے سمجھے منصوبے كے تحت ظهور ميں آنے والا واقعه هے۔ اس كے پيچھے ايك اعلیٰ ذهن هے، جو زبردست طاقت كے ساتھ اس كو كنٹرول كررها هے۔ كائنات كے نظم اور معنويت كي اس كے سوا كوئي اور توجيهه نهيں كي جاسكتي— دنيا كے بارے ميں انسان كي لاعلمي ايك بهت بڑے علم كا پته دے رهي هے۔ يه علم كه اس دنيا كا ايك خداهے جو اس كو حد درجه حكمت كے ساتھ چلا رها هے۔ ان علمی تحقیقات کو دیکھ کر یہ کہاجاسکتا ہے — علم کا دریا حیرت انگیز طور پر خدا کے اقرار کی طرف بڑھ رہا ہے۔

موجوده زمانے ميں هونے والي طبيعي تحقيقات حيرت انگيز طورپر انسان كو ’’مافوق الطبيعی ‘‘ منزل پر پهنچارهي هيں۔ هر علمي شعبے ميں يه صورت حال پيش آرهي هے كه محققين اپني تلاش وجستجو ميں جب آگے بڑھتےهيں تو بالآخر وه ايك ايسے مقام پر پهنچ جاتے هيں جهاں، ايسا معلوم هوتاهے كه طبيعي قانون كي حد ختم هوگئي اور مافوق الطبيعي قوتوں كي كارفرمائي شروع هوگئي۔

مثلاًانساني دماغ كي بناوٹ پچاس سال پهلے تك، ايك راز سمجھي جاتي تھي۔ آج سائنس دانوں كا خيال هے كه وه اس راز كے اوپر سے بهت سے پردے هٹانے ميں كامياب هوگئے هيں۔ مگر انساني دماغ كے بارے ميں معلومات ميں جو اضافه هوا هے، وه حيرت انگيز طورپر قديم مفروضات كي ترديد كررهاهے۔ پهلے يه خيال كياجاتاتھا كه انساني دماغ ميوسين دور (Miocene Period) كے بعد چوده ملين سال ميں ترقي كركے موجوده حالت تك پهنچا هے۔ مگر موجوده معلومات بتاتي هيں كه انساني دماغ اتنا زياده پيچيده هے كه مذكوره مدت اس كے ارتقا كے ليے كسي طرح كافي نهيں هوسكتي۔

انساني دماغ كے سلسلے ميں ايك سوال يه هے كه وه ’’موڈ‘‘ كو كس طرح بدلتاهے۔ اس سلسلے ميں تحقيق كرنے والوں نے دواؤں كے ذريعے مصنوعي طورپر موڈ كو بدلنے كي كوشش كي۔ يه دوائيں مختلف كيفي حالات كو گھٹا بڑھا سكتي تھيں يا ان كو بدل سكتي تھيں۔ مثلاً نيند كو كم يا زياده كرنا، جنسي جذبات كو متاثر كرنا، حافظه(memory) كي کارکردگی گھٹانا بڑھانا، وغيره۔مگر اس ميدان ميں تحقيق كرنے والے اپني تحقيق كے نتائج سے كسي قدر گھبرارهے هيں۔ كيوں كه انھيں معلوم نهيں كه وه حقيقةً كس منزل كي طرف بڑھ رهے هيں:

The researchers are slightly perturbed since they feel they don't know where they are really headed. Perhaps they are stepping into the realm of metaphysics.

شايد وه ما بعد الطبيعيات كي دنيا ميں داخل هورهے هيں۔(بحوالہ ٹائمس آف انڈيا، 28 جنوري 1978)