خدا كا ثبوت
اگر ايك انسان كا وجود هے تو ايك خدا كا وجود كيوں نهيں۔ اگر هوا اور پاني، درخت اور پتھر، چاند اور ستارے موجود هيں تو ان كو وجود دينے والے كا وجود مشتبه كيوں هو۔ حقيقت يه هے كه تخليق كي موجودگي تخليق کے عمل كا ثبوت هے، اور انسان كي موجودگي اس بات كا ثبوت هے كه يهاں ايك ايسا خالق موجود هے جو ديكھے اور سنے۔ جو سوچے اور واقعات كو ظهور ميں لائے۔
اس ميں شك نهيں كه خدا ظاهري آنكھوں سے دكھائي نهيں ديتا۔ مگر اس ميں بھي شك نهيں كه اس دنيا كي كوئي بھي چيز ظاهري آنكھوں سے دكھائي نهيں ديتي۔ پھر كسي چيز كو ماننے كے ليے ديكھنے كي شرط كيوں ضروري هے۔
آسمان پر ستارے جگمگاتے هيں۔ عام آدمي سمجھتا هے كه وه ستاروں كو ديكھ رها هے۔ حالاں که خالص علمي اعتبار سے يه صحيح نهيں۔ جب هم ستاروں كو ديكھتے هيں تو هم ستاروں كو براهِ راست نهيں ديكھ رهے هوتےهيں۔ بلكه ان كے ان اثرات كو ديكھ رهے هوتے هيں، جو ستاروں سے جدا هو كر كروروں سال كے بعد هماري آنكھوں تك پهنچے هيں۔
يهي تمام چيزوں كا حال هے۔ اس دنيا كي هر چيز جس كو انسان ’’ديكھ‘‘ رهاهے۔ وه صرف بالواسطه طورپر اسے ديكھ رها هے۔ براهِ راست طورپر انسان كسي چيز كو نهيں ديكھتا، اور نه اپني موجوده محدوديت كے ساتھ كبھي ديكھ سكتاهے۔پھر جب دوسري تمام چيزوں كے وجود كو بالواسطه دليل كي بنياد پر مانا جاتا هے تو خدا كے وجود كو بالواسطه دليل كي بنياد پر كيوں نه مانا جائے۔
حقيقت يه هے كه خدا اتنا هي ثابت شده هے، جتنا كه اس دنيا كي كوئي دوسري چيز۔ اس دنيا كي هر چيز بالواسطه دليل سے ثابت هوتي هے۔ اس دنياميں هر چيز اپنے اثرات كے ذريعے سے پهچاني جاتي هے۔ ٹھيك يهي نوعيت خداكے وجود كي بھي هے۔
خدا يقيناً براهِ راست هماري آنكھوں كو دكھائي نهيں ديتا۔ مگر خدا اپني نشانيوں كے ذريعے يقيناً دكھائي ديتا هے، اور بلا شبه خدا كے علمي ثبوت كے ليے يهي كافي هے۔
