عقيدهٔ خدا
كائنات كا ايك خدا هے، جو اس كا خالق اور مالك هے۔ اس خدا كے وجود كي سب سے بڑي دليل خود وه كائنات هے، جو همارے سامنے پھيلي هوئي هے۔ كائنات اپنے پورے وجود كے ساتھ پكار رهي هے كه ايك عظيم خدا هے، جس نے اس كو بنايا ،اور اپني بے پناه طاقت سے اس کو چلا رها هے۔ هم مجبور هيں كه هم كائنات كو مانيں، اور اسي ليے هم مجبور هيں كه هم خدا كو مانيں۔ كيوں كه كائنات كو ماننا اس وقت تك بے معني هے، جب تك اس كے خالق ومالك كو نه مانا جائے۔ كائنات اتني حيرت انگيز هے كه وه كسي بنانے والے كے بغير بن نهيں سكتي ،اور اس كا نظام اتنا عجيب هے كه وه كسي چلانے والے كے بغير چل نهيں سكتا۔ حقيقت يه هے كه خدا كو ماننے پر آدمي اس طرح مجبور هے، جس طرح اپنے آپ كو يا كائنات كو ماننے پر۔
آپ سائيكل كے پهيے پر ايك كنكري ركھيں، اور اس كے بعد پيڈل چلا كر پهيے كو تيزي سے گھمائيں تو كنكري دور جاكر گرے گي۔ حالاں كه سائيكل كے پهيے كي رفتار مشكل سے 25 ميل في گھنٹه هے۔ هماري يه زمين جس پر هم رهتے هيں، وه بھي ايك بهت بڑے پهيے كي مانند هے۔ زمين اپنے محور پر مسلسل ايك هزار ميل في گھنٹے كي رفتار سے دوڑ رهي هے۔ يه رفتار سواري كے عام هوائي جهازوں سے زياده هے۔ هم اس تيز رفتار زمين پر چلتے پھرتے هيں۔ گھر اور شهر بناتے هيں۔ مگر همارا وه حال نهيں هوتا، جو گھومتے هوئے پهيے پر ركھي هوئي كنكري كا هوتا هے۔ كيسا عجيب هے يه معجزه۔
سائنسی تحقیق بتاتی هے كه زمين پر همارے قائم رهنے كي وجه يه هے كه نيچے سے زمين بهت بڑي طاقت كے ساتھ كھينچ رهي هے، جس کو قوت کشش کہا جاتا ہے،اور اوپر سے هوا كا بھاري دباؤ هم كو زمين كي سطح پر روكے رهتا هے۔ يه دو طرفه عمل هم كو زمين پر تھامے هوئے هے، اور يهي وجه هے كه هم پهيے كي كنكري كي طرح فضا ميں اڑ نهيں جاتے۔ مگر يه جواب صرف يه بتاتا هے كه همارے آس پاس ايك اور اس سے بھي زياده بڑا معجزه موجود هے۔ زمين ميں اتنے بڑے پيمانے پر كھينچنے كي قوت هونا، اور اس كے چاروں طرف هوا كا پانچ سو ميل موٹا غلاف مسلسل لپٹا رهنا صرف معاملے كي حيرت ناكي كو بڑھاتا هے، وه كسي بھي درجے ميں اس كو كم نهيں كرتا۔
حقيقت يه هے كه اس دنيا كي هر چيز معجزه هے۔ آدمي مٹي كے اندر ايك چھوٹا سا دانه ڈالتا هے۔ اس كے بعد حيرت انگيز طورپر وه ديكھتا هے كه مٹي كے اندر سے ايك هري اور سفيد مولي نكلي چلي آرهي هے۔ وه دوسرا دانه ڈالتا هے تو وه ديكھتا هے كه اس كے اندر سے ميٹھا گاجر نكلا چلا آرها هے۔ اسي طرح بے شمار دوسري چيزيں۔ كسي دانے كو مٹي ميں ڈالنے سے امرود نكل رها هے۔ كسي دانے كو ڈالنے سے آم۔ كسي دانے سے شيشم كا درخت نكلا چلا آرها هے، اور كسي دانے سے چنار كادرخت۔ پھر ان ميں سے هر ايك كي صورت الگ، هر ايك كا مزه الگ، هر ايك كے فائدے الگ، هر ايك كي خاصيتيں الگ۔ ايك هي مٹي هے، اور ناقابلِ لحاظ چھوٹے چھوٹے بيج هيں، اور ان سے اتني مختلف چيزيں اتني مختلف صفتوں كو ليے هوئے نكل رهي هے، جن كي گنتي نهيں كي جاسكتي۔
حيرت ناك معجزوں كي ايك پوري كائنات همارے چاروں طرف پھيلي هوئي دكھائي ديتي هے۔ ايك ايسي دنيا جهاں سارے انسان مل كر ايك ذرے كي بھي تخليق نهيں كرسكتے وهاں هر لمحه بےشمار طرح طرح كي چيزيں پيداهوتي چلي جارهي هيں۔ حقيقت يه هے كه يه سب اتنے بڑے معجزے هيں كه ان كے كمالات كو انساني زبان ميں بيان نهيں كيا جاسكتا۔ ان كو بتانے كے ليے هماري لغت كے تمام الفاظ بھي ناكافي هيں۔ همارے الفاظ ان معجزوں كے اتھاه كمالات كو صرف محدود كرتے هيں۔ وه كچھ بھي ان كا اظهار نهيں كرتے۔ كيا يه معجزه ايك خدا كے بغير خود بخود وجود ميں آسكتا هے۔
دنيا كي هر چيز ايٹم سے بني هے۔ هر چيز اپنے آخري تجزيے ميں ايٹموں كا مجموعه هے۔ مگر كيسا عجيب معجزه هے كه كهيں ايٹموں كي ايك مقدار جمع هوتي هے تو سورج جيسا روشن كره بن جاتاهے۔ دوسري جگه يهي ايٹم جمع هوتے هيں تو وه بهتے هوئے پاني كي صورت ميں رواں هوجاتےهيں۔ تيسري جگه ايٹموں كا يهي مجموعه لطيف هواؤں كي صورت اختيار كرليتاهے۔ كسي اور جگه يهي ايٹم زرخيز زمين كي صورت ميں ڈھل جاتے هيں۔اسي طرح دنيا ميں ان گنت چيزيں هيں۔ سب كي تركيب ايٹم سے هوئي هے۔ مگر سب كي نوعيت اور خاصيت جدا جدا هے۔ اس قسم كي ايك معجزاتي كائنات اپني بے شمار سرگرميوں كے ساتھ انسان كي خدمت ميں لگي هوئي هے۔ انسان كو اپني زندگي كے ليے جو كچھ دركار هے وه بهت بڑے پيمانے پر دنيا ميں جمع كرديا گيا هے، اور هر روز جمع كيا جارها هے۔ دنيا كو اپنے ليے قابلِ استعمال بنانے كي خاطر انسان كو خودجو كچھ كرنا هے، وه بهت تھوڑا هے۔ كائناتي انتظام كے تحت بے حساب مقدار ميں قيمتي رزق پيدا كيا جاتا هے۔ هم اس ميں صرف اتنا كرتے هيں كه اپنا هاتھ اور منھ چلا كر اس كو اپنے پيٹ ميں ڈال ليتے هيں۔ اس كے بعد همارے ارادے كے بغير خود كار فطري نظام كے تحت غذا همارےاندر تحليل هوتي هے، اور گوشت اور خون اور هڈي اور ناخن اور بال اور دوسري بهت سي چيزوں كي صورت اختيار كركے همارے جسم كا جزء بن جاتي هے۔
زمين وآسمان كي بے شمار گردشوں كے بعد وه حيرت انگيز چيز پيدا هوتي هے، جس كو تيل كهتےهيں۔ انسان صرف يه كرتا هے كه اس كو نكال كر اپني مشينوں ميں بھر ليتاهے، اور پھر يه سيال ايندھن انساني تهذيب كے پورے نظام كو حيرت انگيز طور پر رواں دواں كرديتاهے۔ اسي طرح كائنات كے نظام كے تحت وه ساري چيزيں بے شمار تعداد اور مقدار ميں پيدا كي گئي هيں، جن پر انسان صرف معمولي عمل كرتاهے، اور اس كے بعد وه كپڑا، مكان، فرنيچر، آلات، مشينوں، سواريوں اور بےشمار تمدني ساز وسامان كي صورت ميں ڈھل جاتي هيں۔ كيا يه واقعات اس بات كے ثبوت كے ليے كافي نهيں كه اس كا ايك بنانے والا اور چلانے والا هے۔
اب ايك اور پهلو سے ديكھیے۔ قدرت اپنے طويل اور ناقابلِ بيان عمل كے ذريعے هر قسم كي چيزيں تيار كركے هم كو دے رهي هے۔ انسان ان كواپنے حق ميں كار آمد بنانے كے ليے بے حد تھوڑا حصه ادا كرتا هے۔وه لوهے كو مشين كي صورت ميں ڈھالتا هے، اور تيل كو صاف كركے اس كو اپني گاڑي كي ٹنكي ميں بھرتاهے۔ مگر اس قسم كے معمولي عمل كا يه نتيجه هے كه خشكي اور تري فساد سے بھرگئے هيں۔ قدرت نے هم كو ايك انتهائي حسين اور خالص دنياعطا کي تھي۔ مگر همارے عمل نے هم كو دھواں، شور، غلاظت، توڑپھوڑ، لڑائي جھگڑا اور طرح طرح كے ناقابلِ حل مسائل سے گھير ليا هے۔ هم اپنے كارخانوں يا تمدّني سرگرميوں كي صورت ميں جو تھوڑا سا عمل كرتے هيں، وهي عمل كائنات ميں بےحساب گنا زياده بڑے پيمانے پر رات دن هورها هے، مگر يهاں كسي قسم كا كوئي مسئله پيدا نهيں هوتا۔
زمين مسلسل دو قسم كي دوڑ ميں لگي هوئي هے۔ ايك، اپنے محور (axis)پراور دوسري، سورج كے گرد اپنے مدار (orbit)پر، مگر وه كوئي شور برپا نهيں كرتي۔ درخت ايك عظيم الشان كارخانه كي صورت ميں كام كرتے هيں مگر وه دھواں نهيں بكھيرتے۔ سمندروں ميں بے شمار جانور هر روز مرتے هيں مگر وه پاني كو خراب نهيں كرتے۔ كائنات كا نظام كھرب ها كھرب سال سے چل رها هے۔ مگر اس كا منصوبه اتنا كامل هے كه اس كو كبھي اپنے منصوبه پر نظر ثاني كي ضرورت پيش نهيں آتي۔ بے شمار ستارے اور سيارے خلا ميں هر وقت دوڑ رهے هيں۔ مگر ان كي رفتار ميں كبھي فرق نهيں آتا، وه كبھي آگے پيچھے نهيں هوتے۔ يه تمام معجزوں سے بڑا معجزه اور تمام كرشموں سے بڑا كرشمه هے، جو هر لمحه هماري دنيا ميں پيش كيا جارها هے۔ كيا اس كے بعد كوئي اور ثبوت چاهيے كه آدمي اس كائنات كے پيچھے ايك عظيم خدائي طاقت كو تسليم كرے۔
پھر زندگي كو ديكھیے۔ فطرت كا كيسا انوكھا واقعه هے كه چند مادي چيزيں خود بخود ايك جسم ميں يك جا هوتي هيں، اور پھر ايك ايسي شخصيت وجود ميں آجاتي هے، جو مچھلي بن كر پاني ميں تيرتي هے، جو چڑيا بن كر هوا ميں اڑتي هے۔ طرح طرح كے جانوروں كي صورت ميں زمين پر چلتي پھرتي هے، انھيں ميں وه جان دار بھي هے، جس كو انسان كها جاتا هے۔ پراسرار اسباب كے تحت ايك موزوں جسم بنتا هے، اور اس كے اندر هڈياں ايك انتهائي با معني ڈھانچے كي صورت اختيار كرليتي هيں۔ پھر اس كے اوپر گوشت چڑھايا جاتا هے۔اس كے اوپر كھال كي تهيں اوڑھائي جاتي هيں، بال اور ناخن پيدا كیے جاتے هيں۔ پھر سارے جسم ميں خون كي نهريں جاري كي جاتي هيں۔ اس طرح ايك خود كار عمل كے ذريعے ايك عجيب وغريب انسان بنتا هے، جو چلتا هے، جو پكڑتا هے، جو ديكھتا هے، جو سنتا هے، جو سونگھتا هے، جو چكھتا هے، جو سوچتا هے، جو ياد ركھتا هے، جو معلومات جمع كركے ان كو مرتب كرتا هے، جو لكھتااور بولتا هے۔ مرده مادّے سے اس قسم كے ايك حيرت ناك وجود كا بن جانا ايك ايساانوكھا واقعه هے كه معجزے كا لفظ بھي اس كے اعجاز (miracle)كو بتانے كے ليے كافي نهيں۔
اگر كوئي شخص كهے كه ميں نے مٹي كو بولتے هوئے سنا اور پتھر كو چلتے هوئے ديكھا تو لوگ حيران هو كر اس كي تفصيل دريافت كريں گے۔ مگر يه انسان جو چلتا پھرتاهے، جو بولتا اور ديكھتا هے آخر مٹي پتھر هي تو هے۔ اس كے اجزا وهي هيں، جو ’’مٹي اور پـتھر‘‘ كے هوتے هيں۔ مٹي اور پتھر كے بولنے اور ديكھنے كي خبر كو هم جس طرح عجيب سمجھيں گے، اسي طرح بلكه اس سے زياده تعجب هم كو اس مخلوق پر هونا چاهيے جس كو انسان كهاجاتاهے۔ بے جان مادّے ميں اس قسم كي زندگي اور شعور پيدا هوجانا كيا اس بات كا ثبوت نهيں كه يهاں ايك برتر هستي هے، جس نے اپني خصوصي قدرت سے يه عجيب وغريب معجزه رونما كيا هے۔
انسان اگر اپنے اوپر غور كرے تو به آساني وه خدا كي حقيقت كو سمجھ سكتاهے۔ هم ديكھتے هيں كه انسان كي صورت ميں ايك ’’ميں‘‘ زمين پر موجود هے۔ اس كي اپني ايك مستقل هستي هے۔ وه دوسري چيزوں سے الگ اپنا ايك وجود ركھتا هے۔ يه ’’ميں‘‘ بلا اشتباه يقين ركھتا هے كه وه هے۔ وه سوچتا هے اور رائے قائم كرتاهے۔ وه اراده كرتاهے، اور اس كو بالفعل نافذ كرتاهے۔ وه اپنے فيصله كے تحت كهيں ايك رويه اور كهيں دوسرا رويه اختيار كرتاهے۔ يهي شخصيت اور قوت جس كا ايك آدمي اپني ’’ميں‘‘ كي سطح پر هر وقت تجربه كررها هے يهي ’’ميں‘‘ اگر خدا كي صور ت ميں زياده بڑےپيمانه پر موجود هو تو اس ميں تعجب كي كيا بات هے۔ حقيقت يه هے كه خدا كو ماننا ايسا هي هے جيسے اپنے آپ كو ماننا۔ اسي ليے قرآن ميں كها گيا هے : بَلِ الْإِنْسَانُ عَلَى نَفْسِهِ بَصِيرَةٌ۔ وَلَوْ أَلْقَى مَعَاذِيرَهُ(75:14-15)۔ آدمي اپنے واسطے آپ دليل هے، چاهے وه كتني هي معذرت كرے ۔
لوگ خدا پر اور خدا كے پيغام پر يقين كرنے كے ليے معجزاتي دليل مانگتے هيں۔ آخر لوگوں كو اس كے سوا اور كون سا معجزه دركار هے، جو ناقابلِ قياس حد تك بڑے پيمانے پر ساري كائنات ميں جاري هے۔ اگر اتنا بڑا معجزه آدمي كو جھكانے كے ليے كافي نه هو تو دوسرا كوئي معجزه ديكھ كر وه كيسے ماننے كے ليے تيار هوجائيں گے۔ حقيقت يه هے كه خدا كو ماننے اور اس كے آگے اپنے آپ كو سرینڈر کرنے كے ليے جس چيز كي ضرورت هے، وه هر وقت هر آدمي كے سامنے موجود هے۔ اس كے باوجود آدمي اگر خدا كو اور اس كے جلال وكمال كو نه مانے تو يه اس كا اپنا قصور هے ،نه كه كائنات كا۔
