حفاظتي ڈھال

قرآن ( 21:32) ميں فرمايا گياهے —  اور هم نےآسمان كو ايك محفوظ چھت بنايا ( وَجَعَلْنَا السَّمَاءَ سَقْفًا مَحْفُوظًا )۔ اس سے معلوم هوتاهے كه آسمان(بالائي فضا) كو الله تعالي نے اپني رحمت وقدرت سے اس طرح بنايا هے كه وه انسان كے ليے ضرر رساں چيزوں سے حفاظت كا ذريعه بن جائے۔ اس نظام خداوندي كے بے شمار پهلو هيں۔ تاهم اس كا ايك جزء غالباً وه فضائي گيس هے، جس كو اوزون (ozone) كهاجاتاهے۔

سورج هماري زمين سے نوكرور تيس لاكھ ميل دور هے۔ وه اتنا بڑا هے كه اگر اس كے مادے کو تقسيم كياجائے تواس سے هماري زمين جيسے باره لاكھ كُرے بن جائيں گے۔ يه سورج همارے ليے روشني اور حرارت كا ذريعه هے۔ اس سلسلے ميں اس كا موجوده فاصله بے حداهم هے، اگر زمين سے سورج كا فاصله موجوده فاصلے سے كم هوتا هے تو اس سے آنے والي روشني اور حرارت اتني شديد هوتي كه زمين پر كسي ذي حيات كے ليے زنده رهنا هي ناممكن هوجائے۔

سورج كي جو شعاعيں (rays)زمين پر آتي هيں ان ميں بعض نهايت مضر اجزا هوتے هيں۔ مثلاً ان آفتابي شعاعوں (sun rays) كا ايك جزء وه هے، جس كو الٹراوائلٹ شعاعيں (ultraviolet rays) كهاجاتاهے۔ يه شعاعيں ذي حيات مخلوق كے ليے سخت مضر هيں۔ ان سے طرح طرح كي بيمارياں پيداهوتي هيں، اور ان كي زيادتي انسان اورحيوان كوهلاك كرنے كا باعث بن جاتي هے۔

الٹراوائلٹ شعاعيں مسلسل سورج سے نكل كر زمين كي طرف آرهي هيں۔ اس كے باوجود انسان اورحيوان كيوں زمين پر زنده هيں، اس كي وجه يه هے كه زمين كے اوپر كئي سو ميل كي جو فضا (atmosphere) هے۔ اس كي مختلف تهوں ميں سے ايك ته وه هے، جو اوزون گيس پر مشتمل هے۔

يه اوزون ايك قسم كي آكسيجن گيس هے۔اس كے مخصوص ماليكولر ڈھانچے كي وجه سے اس ميں يه صفت پيدا هوگئي هے كه وه اوپر سے آنے والي الٹراوائلٹ شعاعوں كو جذب كرلے اور ان كو زمين كي سطح تك پهنچنے نه دے۔ سائنسي تحقيق كے مطابق، يهي اوزون گيس كي ته هے جو انسان كو الٹراوائلٹ شعاعوں كے مضر اثرات سے بچائے هوئے هے۔

قرآن كا بيان هے كه الله تعالي نے زمين كےاوپر بالائي فضا ميں ايك محفوظ چھت قائم كي۔ بالائي فضا (atmosphere) كے بارے ميں موجوده زمانے ميں جو سائنسي تحقيقات هوئي هيں، وه قرآن كے اس بيان كے حق ميں ايك علمي تائيد كي حيثيت ركھتي هيں۔ يه تحقيقات بتاتي هيں كه فضا كے اوپر اوزون گيس كي ايك موٹي تهه هے، جو كرهٔ ارض كے چاروں طرف پھيلي هوئي هے۔ يه فضائي چھتري انسان كے ليے ايك حفاظتي ڈھال كا كام كررهي هے۔ اس حفاظتي ڈھال كے بغير انسان كے ليے يه ممكن هي نه هوتا كه وه زمين كے اوپر آباد هو اور يهاں تمدن كي تعميركرے۔

تحقيقات سے معلوم هوا هے كه بالائي فضا ميں 20 كيلوميٹر اور 50 كيلوميٹر كي بلندي كے درميان موجود گيسوں ميں قدرتي طورپر ايك رد عمل هوتا هے۔ اس كے نتيجے ميں بننے والے نئے قسم كے ماليكيول سے ايك گيس تيار هوتي هے، جس كو اوزون كهاجاتا هے۔ يه اوزون زمين كے چاروں طرف فضا ميں پھيلي هوئي هے۔ وه الٹراوائلٹ شعاعوں كو جذب كر ليتي هے، اور اس طرح وه زمين كے اوپر زندگي كے ليے ايك اهم حفاظتي ڈھال كا كام كرتی هے:

In the region between about 20 and 50 kilometers the. monatomic oxygen reacts with 02 to form ozone  (03). The resulting worldwide layer of ozone, although its relative concentration is less than 1/10,000, is sufficient to absorb ultraviolet radiation and thereby serve as a vital protective shield for life on earth. (2/322-23)

موجوده زمانے ميں صنعتي تمدن نے انسان كے ليے نئے مسائل پيدا كيے هيں۔ ان ميں ايك خطرناك مسئله يه هے كه جديد صنعتوں كے پيدا كرده بعض گيسوں كي وجه سے اوزون كي تهه كو شديد نقصان پهنچ رهاهے۔ اب يه خطره پيدا هوگياهے كه فضا كي اوزون ميں رخنه پڑنے سے، كم از كم جزئي طورپر، الٹراوائلٹ شعاعوں كو زمين تك پهنچنے كا راسته مل جائے اور پھر انسان كے ليے طرح طرح كے ناقابلِ حل مسائل پيدا هوجائيں۔

موجوده زمانے ميں اس پر باقاعده ريسرچ كي جاري هے ،اور اس سلسلے ميں كافي لٹريچر شائع كيا گيا هے۔ ٹائم ميگزين (17 فروري 1992)نے اس مسئلے كو اپني كور اسٹوري بنايا هے۔ اس كا عنوان هے— ختم هوتي هوئي اوزون، خطره قريب آرهاهے:

Vanishing Ozone: the Danger Comes Closer.

زندگي كے ليے يه ضروري گيس جس كي بربادي كا مسئله پيدا هوگيا هے، وه آكسيجن كي ايك قسم هے جس كے ماليكول ميں تين ايٹم هوتے هيں ،جب كه عام آكسيجن كے ماليكيول ميںدو ايٹم هوتے هيں۔ ڈھانچے ميں اس ساده تبديلي نے اوزون ميں يه صلاحيت پيدا كردي هے كه وه الٹراوائلٹ شعاعوں كو جذب كرسكے:

The vital gas being destroyed is a form of oxygen in which the molecules have three instead of the normal two. The simple structure enables ozone to obsorb ultraviolet radiation. (p. 41)

سائنسي نقطهٔ نظر سے ماليكول كے ايٹمي ڈھانچے ميں يه تبديلي هي وه سبب هے، جس كي بناپر اوزون اس صفت كي حامل گيس بن گئي هے كه وه سورج سے آنے والي مضر گيس كو اپنے اندر جذب كرلے اور اس كو زمين كي سطح تك پهنچنے نه دے۔ چنانچه كها جاتا هے كه بالائي فضا ميں اوزون كي يه گيسي چادر هم كو مسلسل طورپر الٹراوائلٹ شعاعوں كے مهلك اثرات سے بچائےهوئے هے۔

مگر كوئي عقلي يا سائنسي دليل يه ثابت كرنے كے ليے موجود نهيں كه ايٹم كي تعداد ميں تبديلي بذاتِ خود اپنے اندر اس قسم كي انوكھي اور مفيد صلاحيت ركھتي هے۔ حقيقت يه هے كه انسان كو اس آسماني آگ سے بچانے والا خدا هے۔ ظاهري طورپر مذكوره تبديلي اس ليے پيدا كي گئي تاكه آدمي اس كو ديكھ كر ٹھٹكے۔ وه اس ظاهري واقعے كو ديكھ كر اندروني حقيقت تك پهنچ سكے۔

ايك طرف فطرت كے نظام ميں اوزون گيس كا هونا، دوسري طرف جديد صنعتي نظام كے تحت اوزون گيس كي تباهي، يه دونوں واقعات بے حد سبق آموز هيں، اوران ميں سوچنے والوں كے ليے عظيم نشاني پائي جاتي هے۔ بالائي فضا ميں اوزون گيس كي موٹي تهہ كا پايا جانا ظاهر كرتا هے كه جس هستي نےدنياكا نظام بنايا، اس كو پيشگي طورپر يه معلوم تھاكه زمين پر بسنے والے انسانوں كي كيا ضرورتيں هوں گي۔ اس نے تجربے سے پهلے يه جانا كه سورج كي شعاعوں ميں افاديت كے ساتھ نقصان كے پهلو بھي موجود هيں۔ اس نے افاديت كے پهلو كو مستحكم كيا اور نقصان والے پهلو سے بچاؤ كا انتظام كرديا تاكه انسان جب زمين پر بسے تووه سورج كي نقصان ده شعاعوں سے محفوظ رهے، سورج كي صرف مفيد شعاعيں انسانوں تك پهنچ سكيں۔

اب دوسرے رخ كو ديكھیے، جو بيسويں صدي كے نصف آخر ميں همارے سامنے آيا هے۔ انسان نے ساٹھ سال پهلے وه چيز دريافت كي جس كو ايركنڈيشننگ كها جاتا هے۔ اس دريافت نے انسان كو غير معمولي طورپر راحت كا سامان ديا۔ ايركنڈيشنڈ مكان اور دفاتر اور مختلف بلڈنگيں ماڈرن زندگي كا لازمي حصه هيں۔ جب يه صنعت دريافت هوئي تو وه خير هي خير نظر آتي تھي، مگر جديد تحقيقات نے بتايا كه اس خير ميں شر بھي چھپا هوا هے۔

موجوده ايركنڈيشننگ كا سسٹم سي ايف سي پر مبني سسٹم (CFC-based system)هے۔ سي ايف سي ٹكنالوجي آج انسان كے ليے زبردست خطره بن گئي هے۔ سي ايف سي سے مراد كلوروفلوركاربن (chlorofluorocarbons) هے۔ يه ايك كيمیكل هے جواير كنڈيشننگ كے سامانوں كي تياري ميں استعمال كيا جاتا هے۔ اس كيميكل كو تيار كرنے كے ليے جو كارخانے بنائے گئے هيں، وه اس كي تياري كے دوران ايك ضمني پيداوار (by-product) تيار كرتےهيں، جس كو سي آئي او يا كلورين مونوآكسائڈ (chlorine monoxide) كهاجاتا هے۔ يهي سي آئي او كا ماده هے، جو دراصل اوزون كي ته كو نقصان پهنچا رها هے۔ حتي كه اس نے بالائي فضا ميں ايك بڑا سوراخ پيدا كرديا هے، جس سے سورج كي مذكوره مضر شعاعيں زمين پر آنا شروع هوگئي هيں۔

اب امريكا وغيره ميں بهت بڑے پيمانے پر ريسرچ هورهي هے۔ تاكه كوئي ايسا متبادل ماده دريافت كيا جائے جس كے ذريعے مذكوره مضر كيميكل پيدا كيے بغير اير كنڈيشننگ كے سامان بنائے جاسكيں۔ اب يهاں دونمونے هيں۔ ايك، فطرت (نيچر) كا نمونہ۔ دوسرا، انساني صنعت كا نمونہ۔ فطرت كا نمونه بتاتا هےكه اس ميں پيشگي طورپر يه انتظام موجود تھا كه سورج كي مضر شعاعيں زمين كي سطح تك نه پهنچيں۔ تاكه انسان محفوظ طورپر زمين پر آباد هوسكے۔ دوسري طرف صنعتي دوركے صنعت كاروں كو پيشگي طورپر يه معلوم نه هوسكا كه ایر كنڈيشننگ كي صنعت فطرت كے قيمتي توازن كو توڑ دے گي، اور انسان كے ليے سخت ناموافق صورتِ حال پيداهوجائے گي۔

يه صورتِ حال اس بات كا ثبوت هے كه كائنات كي تخليق اوراس كي منصوبه بندي كے پيچھے ايك بالا تر خدائي ذهن كي كارفرمائي هے۔ اگر يهاں ايسے ذهن كي كارفرمائي نه هوتي تو فطرت كے نظام ميں بھي بار بار اسي قسم كے خلا اور نقائص ظاهر هوتے جو انساني صنعت ميں ظاهر هورهے هيں۔

يهي وه حقيقت هے جس كي طرف قرآن ميں اس طرح اشاره كيا گياهے: بڑا بابركت هے وه جس كے هاتھ ميں بادشاهي هے اور وه هر چيز پر قادر هے۔ جس نے موت اور زندگي كو پيدا كيا تاكه تم كو جانچے كه تم ميں سے كون اچھا كام كرتاهے۔ اوروه زبردست هے، بخشنے والا هے۔ جس نے بنائے سات آسمان اوپر تلے۔ تم رحمن كے بنانے ميں كوئي خلل نهيں ديكھو گے۔ پھر نگاه ناكام تھك كر تمھاري طرف واپس آجائے گي ( 67:1-4)۔