مطالعۂ حدیث

شرح مشکاۃ المصابیح

(حدیث نمبر 72-85)

عبد الله بن جابر رضي الله عنه كهتے هيں كه رسول الله صلى الله عليه وسلم نے فرمايا: شيطان اس سے مايوس هوچكا هے كه جزيرهٔ عرب ميں نمازي لوگ اس كي پرستش كريں۔ ليكن وه ان كو ايك دوسرے كے خلاف بھڑكانے سے مايوس نهيں (صحیح مسلم، حدیث نمبر 2812)۔

رسول اور اصحاب رسول كے ذريعےجو انقلاب آيا اس نے مذهبي بت پرستي كو اتنا زياده بےبنياد ثابت كرديا كه اب اس قسم كي مشركانه روش ميں نه سماجي عزت كا پهلو باقي رها اور نه مادي مفاد كا۔ اس لیےامت كے بعد كي نسلوں ميں گمراهي كھلي بت پرستي كے راستے سے نهيں آئے گي۔بلكه وه نفس پرستي اور مفاد پرستي كے راستے سے آئے گي۔ اس دوسري گمراهي كا اظهار اس طرح هوگا كه لوگ ذاتي مصلحتوں كے لیے آپس ميں ايك دوسرے سے لڑيں گے۔

عبد الله بن عباس رضي الله عنه كهتے هيں كه رسول الله صلى الله عليه وسلم كے پاس ايك آدمي آيا۔ اس نے كها كه ميں اپنے دل ميں ايسي بات پاتا هوں كه زبان سے اس كو بولنے سے زياده مجھ كو پسند هے كه ميں جل كر كوئله هو جاؤں۔ آپ نے فرمايا كه اس خدا كا شكر جس نے اس طرح كے معامله كو وسوسه قرار ديا (سنن ابو داؤد، حدیث نمبر5112)۔

موجوده دنيا ميں آدمي فتنوں اور آزمائشوں كے درميان جيتا هے۔ اس لیے كوئي آدمي اس سے نهيں بچ سكتا كه اس كے دل ميں غلط قسم كے خيالات آئيں۔ ليكن انسان كي پكڑ بولے هوئے قول اور كیے هوئے عمل پر هے، دل كے اندر گزرے هوئے خيالات پر نهيں۔

عبد الله بن مسعود رضي الله عنه كهتے هيں كه رسول الله صلي الله عليه وسلم نے فرمايا: انسان كے اوپرايك اثر شيطان كا هے اور ايك اثر فرشتےكا۔ پس شيطان كا اثر تو شر سے ڈرانا اور حق كو جھٹلانا هے۔ اور فرشتے كا اثر نيكي پر ابھارنا اور حق كي تصديق كرنا هے۔ پس جو آدمي اس كو پائے تو اس كو جاننا چاهیے كه يه الله كي طرف سے هے۔ اور پھر وه الله كا شكر ادا كرے۔اور جو شخص دوسري كيفيت اپنے اندر پائے تو وه شيطان كےمقابلے ميں الله سے پناه مانگے۔ پھر آپ نے قرآن (2:268)كي يه آيت پڑھي:اَلشَّيْطٰنُ يَعِدُكُمُ الْفَقْرَ وَيَاْمُرُكُمْ بِالْفَحْشَاۗءِ ( شیطان تم کو محتاجی سے ڈراتا ہے اور بری بات کی تلقین کرتا ہے) سنن الترمذي، حدیث نمبر2988۔

انسان كے اندر دو مختلف قسم كے محركات كي خبر اس لیے دي گئي هے تاكه جب وه اپني زندگي ميں ان ميں سے كسي كي علامت ديكھے تووه اس كي حقيقت كو پهچان لے۔ ايك علامت پر وه شيطان سے بچنے كي كوشش كرے اور دوسري علامت پر وه خدا كا شكر ادا كرتےهوئے اس سے قريب هوجائے۔

ابو هريره رضي الله عنه كهتے هيں كه رسو ل الله صلى الله عليه وسلم نے فرمايا: لوگ پوچھ گچھ كرتے رهيں گے يهاں تك كه كها جائے گا كه مخلوق كو خدا نے پيدا كيا تو خدا كو كس نے پيدا كيا۔ پھر جب لوگ ايسا كهيں تو تم كهو : اللّٰهُ اَحَدٌ ۔اَللّٰهُ الصَّمَدُ۔لَمْ يَلِدْ ڏ وَلَمْ يُوْلَدْ ۔وَلَمْ يَكُنْ لَّهٗ كُفُوًا اَحَدٌ( اللہ ایک ہے۔اللہ بےنیاز ہے۔ نہ اس کی کوئی اولاد ہے اور نہ وہ کسی کی اولاد۔ اور کوئی اس کے برابر کا نہیں)۔ پھر وه اپنے بائيں طرف تين بار تُھتکارے، اور شيطان كے مقابلے ميں الله كي پناه مانگے (سنن ابو داؤد، حدیث نمبر4722)۔

يه حديث موجوده دور ميں پيدا هونے والي عقليت پسندي كي پيشين گوئي هے۔ مگر اس ميں يه بھي بتادياگياكه اس قسم كا سوال خود وقت كے عقلي نقطه نظر سے سراسر بے بنياد هوگا۔ خدا كا وجود اتنا زياده واضح هے كه وه جس طرح پچھلے زمانے ميں ثابت شده تھا اسي طرح وه بعد كے زمانے ميں بھی ہے۔ اس بحث كے ضمن ميں يه سوال بالكل غير متعلق هے كه خدا كو كس نے پيدا كيا۔ خدا اگر پيدا كرنے سے وجود ميں آئے تو وه كائنات كو پيدا كرنے والا نهيں بن سكتا۔ خدا اپنے آپ ميں موجود هے اسي لیے وه اس كائنات كو وجود ميں لاسكا۔ كائنات كي موجودگي خداکي موجودگي كا ثبوت هے۔ اگر هم خدا كے وجود كا انكار كريں تو هميں كائنات كے وجود كا بھي انكار كرنا پڑے گا۔ چونكه هم كائنات كے وجود كا اقرار كرنے پر مجبور هيں اس لیے هم خدا كے وجود كا اقرار كرنے پر بھي مجبور هيں۔

اس معاملےميں خود عقلي سائنس كي رو سے كوئي دوسرا انتخاب همارے لیے سر ے سے ممكن نهيں۔ جديد سائنس نے كائنات كے ظهو ركے بارے ميں جو حقائق دريافت كیے هيں اس كے بعد اب انسان كے لیے انتخاب (choice) بے خدا كائنات اور باخدا كائنات كے درميان نهيں هے۔ بلكه با خدا كائنات اور غير موجود كائنات كے درميان هے۔ اگر هم خدا كے وجود كو نه مانيں تو هميں كائنات كے وجود كا بھي انكار كرنا پڑے گا۔ چونكه هم كائنات كے وجود كا انكار نهيں كرسكتے اس لیے هم خدا كے وجود كا بھي انكار نهيں كرسكتے۔ جديد سائنسي دريافتوں كے بعد خدا كے وجود كو ماننا اتناهي لازمي بن چكا هے جتنا كه كائنات كے وجود كو ماننا۔(تفصیل کے لیے راقم الحروف کی کتابوں کو دیکھیے: مذہب اور جدید چیلنج، خدا کی دریافت، وغیرہ)

انس بن مالك رضي الله عنه كهتے هيں كه رسول الله صلى الله عليه وسلم نے فرمايا: لوگ برابر سوال كرتے رهيں گے۔ يهاں تك كه وه كهيں گے كه اگر خدا نے تمام چيزوں كو پيدا كيا هے تو خدا كو كس نے پيدا كيا۔ يه بخاري كي روايت هے۔ اور مسلم كي روايت ميں اس طرح هے۔ الله تعالي نے فرمايا تمهاري امت كے لوگ برابر كهتے رهيں گے۔ يه كيا اور يه كيا۔ يهاں تك كه وه كهيں گے كه خدا نے مخلوقات كو پيدا كيا تو خدا كو كس نے پيدا كيا (متفق عليه: صحیح البخاري، حدیث نمبر 7296 ؛ صحیح مسلم، حدیث نمبر 136)۔

اس حديث سے معلوم هوتا هے كه بعد كے زمانے ميں جب عقلي بحثوں كا زور بڑھے گا تو خود امت مسلمه كے لوگ بھي ذهني طورپر اس سے متاثر هوجائيں گے۔ اور وه بھي وقت كي بولي بولنے لگيں گے۔ اس زمانے ميں اس قسم كي گمراهي كا مقابله كرنے كے لیے جو فكري جدوجهد دوسرے لوگوں پر كي جائے گي۔ وهي خود امت كي فكري اصلاح كے لیے بھي ضروري هوگي۔

عثمان بن ابي العاص رضي الله عنه كهتے هيں كه ميں نے كها كه اے الله كے رسول شيطان ميرے اور ميري نماز اور ميري قرأت كے درميان حائل هوجاتا هے اور مجھ پر نماز میں شبہ ڈالتا ہے ۔ رسو ل الله صلي الله عليه وسلم نے فرمايا: يه وه شيطان هےجس كو خِنزَب كهاجاتا هے۔ پس جب تم اس كو محسوس كرو تو تم اس سے الله كي پناه مانگو۔ اور اپنے بائيں طرف تين بار تھتکا رو۔ پس ميں نے ايسے هي كيا تو الله نے اس كو مجھ سے دور كرديا (صحیح مسلم، حدیث نمبر68)۔

اس حديث ميں جومخصوص طريقه بتايا گيا هے اس كي حيثيت اضافي هے۔ اس كا اصل مدعا يه هے كه جب بھي كسي آدمي كو يه محسوس هو كه شيطان اس كو خدا كي ياد سے هٹا رها هے تو وه فوراً تعوذ كے كلمات زبان سے ادا كركے شيطان سے پناه مانگے۔ يه گويا اپنے آپ كو غفلت سے نكال كر شعور كي حالت ميں لانا هے۔ يه خدا كي مدد سے شيطان كے اوپر قابو پانا هے۔قرآن میں رہنمائی کی گئی ہے : جو لوگ ڈر رکھتے ہیں جب کبھی شیطان کے اثر سے کوئی برا خیال انھیں چھو جاتا ہے تو وہ فوراً(اللہ کو) یاد کرتے ہیں اور پھر اسی وقت ان کو سوجھ آجاتی ہے (7:201)۔

قاسم بن محمد تابعي سے ايك آدمي نے سوا ل كيا۔ اس نے كها كه مجھے اپني نماز ميں وهم پيش آتا هے۔اور يه مجھ پر بهت گراں گزرتا هے۔ انھوں نے اس آدمي سے كها كه تم اپني نماز جاري ركھو۔ كيوں كه يه چيز تم سے جانے والي نهيں، يهاں تك كه تم اپني نماز پوري كرو اور كهو كه ميں نے اپنی نماز پوري نهيں کی (موطا امام مالك، حدیث نمبر3)۔

اس معاملے كا تعلق جس طرح نماز سے هے اسي طرح اس كا تعلق دوسرے ديني اعمال سے بھي هے۔ اس دنيا ميں يه مطلوب نهيں كه آدمي كا احساس يه هو كه ميں نے معياري عمل كرليا۔ اس كے برعكس، آدمي كا احساس يه هونا چاهیے كه مجھ سے معياري عمل نه هوسكا۔ اپنے عمل كو كامل سمجھنا، منافقت كي علامت هے، اور اپنے عمل كو ناقص سمجھنا اخلاص كي علامت۔

عبد الله بن عمرو رضي الله عنه كهتے هيں كه رسول الله صلي الله عليه وسلم نے فرمايا: الله نے مخلوق كي تقديروں كو لكھ ديا هے، زمين وآسمان كي پيدائش سے پچاس هزار سال پهلے۔ آپ نے فرمايا كه اس وقت الله كا تخت پاني كے اوپر تھا (صحیح مسلم، حدیث نمبر16)۔

يهاں تقدير سے مراد منصوبهٔ الٰهي هے۔ خدا كي پيدا كي هوئي زمين ميں پهلے پاني كا دور آيا، اس كے بعدسطح زمين پر زندگي كا دور شروع هوا۔ هزاروں سال پهلے تقدير كو لكھنے كا مطلب يه هے كه خدا نے پيشگي طورپر اُس كورس كو متعين كرديا جس كے تحت انساني قافلے كو اپنا سفر كرنا تھا۔ اور اس فطري قانون كو طے فرماديا جس كے دائرے ميں هر فرد كو اپنا عمل انجام دینا تھا۔

جدیدسائنس کی روشنی میں جب ہم اِس معاملے پر غور کرتے ہیں تو تقدیر کا ایک اہم سُراغ (clue) ڈی این اے (DNA) کی شکل میں ملتا ہے۔جدید سائنسی تحقیق بتاتی ہے کہ ہر انسان کا ڈی این اے اس کی شخصیت کا مکمل انسائیکلو پیڈیا ہے۔ ہر انسان کے ڈی این اے میں اس کی شخصیت کی تمام خصوصیات کوڈ کی شکل میں درج ہیں، جن کی مسلسل طور پر ڈی کوڈنگ (de-coding) ہوتی رہتی ہے۔ آدمی کے بیشتر عادات و افعال اسی ڈی این اے کے زیر اثر واقع ہوتے ہیں۔

عبد الله بن عمر رضي الله عنه كهتے هيں كه رسول الله صلى الله عليه وسلم نے فرمايا: هر چيز مقرر اندازه پر هے، يهاں تك كه عاجزي اور دانش مندي بھي (صحیح مسلم،حدیث نمبر 18)۔

انسانوں كي صلاحيتيں يكساں نهيں۔ اس دنيا ميں هر انسان كو الگ الگ استعداد كے ساتھ پيدا كيا گيا هے۔ دنيا كے نظام كو كاميابي كے ساتھ چلانے كے لیے ايسے لوگ بھي دركار هيں جو جسماني طاقت ميں زياده هوں اور ايسے لوگ بھي جن كے اندر ذهني طاقت زياده پائي جائے۔ يه مقدرات هيں، اور وه اس لیے هيں تاكه اس دنيا ميں زندگي كا نظام مجموعي طورپر كاميابي كے ساتھ چلتا رهے۔

ابوهريره رضي الله عنه كهتے هيں كه رسول الله صلي الله عليه وسلم نے فرمايا: آدم اور موسي نے اپنے رب كے سامنے حجت كي تو آدم اس بحث ميں موسي پر غالب آگئے۔ موسي نے كها كیا آپ وه آدم هيں جن كو الله نے اپنے هاتھ سے پيدا كيا اور آپ کے اندر اپني روح پھونكي۔ اور اپنے فرشتوں سے آپ كو سجده كرايا۔ اور آپ كو اپني جنت ميں ٹھهرايا۔ پھر آپ نے اپني لغزش كي وجه سے لوگوں كو نيچے اتارديا۔ آدم نے كها كه آپ وه موسي هيں جس كو الله نے اپني پيغمبري كے لیے اور اپني هم كلامي كے لیے چنا۔ اور آپ كو تختياں ديں، جس ميں هر چيز كا بيان هے۔ اور آپ كو هم كلامي كے ذريعے قربت دي۔ کیا آپ جانتے ہیں کہ اللہ نے میری پیدائش سے کتنے عرصہ پہلے توراۃ کو لکھ دیا تھا ؟ موسي نے كها كه چاليس سال پهلے۔ آدم نے كها كه کیا آپ نے اس میں لکھا ہوا پایا کہ آدم نے اپنے رب كي نافرماني كي، پھر وه راستہ سے دور ہو گئے(طه، 20:121)۔ موسي نے كها كه هاں۔ آدم نے كها كه كيا آپ مجھے ايك ايسے فعل كي ملامت كرتے هيں، جو الله نے لكھ دياتھا كه ميں اس كو كروں، اور يه ميري پيدائش سے چاليس سال پهلے هوچكاتھا۔ رسول الله صلي الله عليه وسلم نے فرمايا كه پھر آدم موسي پر غالب آگئے (صحیح مسلم، حدیث نمبر2652)۔

انسان آزاد ہے یا مجبور۔ اس سوال کا جواب یہ ہے کہ یہ ففٹی ففٹی کا معاملہ ہے۔اس حديث كا مطلب انسان كو يه بتانا هے كه وه دو چيزوں كے درميان هے۔ ايك تقدير الٰهي، اور دوسرے ذاتي اختيار۔ انسان ایک اعتبار سے آزاد ہے، اور دوسرے اعتبار سے وہ مجبور ہے۔ اپنی روز مرہ کی زندگی میں ہر عورت اور مرد آزادانہ طور پر اپنا کام کرتے ہیں۔ لیکن اسی کے ساتھ وہ بار بار محسوس کرتے ہیں کہ ان کی ذات کے باہر بھی کچھ طاقتیں ہیں جن کو نظر انداز کر کے وہ اس دنیا میں اپنا کام نہیں کر سکتے۔

یہ دو طرفہ تقاضے کیا ہیں۔ اصل یہ ہے کہ ایک ہے خود انسان کی شخصیت، اور دوسری چیز ہے وہ حالات جن کے درمیان کسی آدمی کو اپنا کام کرنا پڑتا ہے۔ اِن حالات کو فطرت کا قائم کیا ہوا انفراسٹرکچر (infrastructure) کہا جاسکتا ہے۔ جہاں تک انسان کی ذات کا تعلق ہے وہ پوری طرح آزاد ہے۔ انسان کو اختیار ہے کہ وہ جس طرح چاہے سوچے، وہ جو بات چاہے بولے، جس رخ پر چاہے اپنی زندگی کا سفر طے کرے۔ اس اعتبار سے انسان مکمل طور پر آزاد ہے۔

دوسری چیز وہ ہے جس کو انفراسٹرکچر کہا جاسکتا ہے۔ یہ انفراسٹرکچر مکمل طور پر فطرت کا قائم کیا ہوا ہے۔ یہ انفراسٹرکچر دنیا میں اپنے آپ قائم ہے۔ انسان کو یہ طاقت حاصل نہیں کہ وہ اس انفراسٹرکچر کو بدل ڈالے یا اس کو نظر انداز کر کے اپنے عمل کی منصوبہ بندی کرے۔

مثال کے طور پر ایک انسان زمین پر چلتا ہے۔ یہ چلنا انسان کی اپنی آزادی کا معاملہ ہے۔ لیکن اس چلنے کے لیے ضرورت ہے کہ آدمی کے قدموں کے نیچے ایک زمین ہو ۔ اس زمین کے اندر قوتِ کشش ہو، اور پھر انسان کے اوپر ہوا کا دباؤ ہو، وغیرہ۔ یہ چیزیں خارجی انفراسٹرکچر کی حیثیت رکھتی ہیں، اور اس خارجی انفراسٹرکچر کے بغیر چلنے کا عمل ممکن نہیں، نہ کسی عورت کے لئے اور نہ کسی مرد کے لئے۔ یہی معاملہ دوسری ان تمام چیزوں کا ہے جن کے درمیان انسان اپنا عمل کرتا ہے۔

اسی طرح انسان سانس لیتا ہے۔ سانس لینا یا نہ لینا انسان کے اپنے اختیار کی بات ہے۔ لیکن درست طور پر سانس لینے کے لیے ضروری ہے کہ باہر کی دنیا میں آکسیجن کی سپلائی کا نظام موجود ہو۔ آکسیجن کی مسلسل سپلائی کے بغیر کوئی آدمی سانس نہیں لے سکتا۔ جب کہ سانس کے بغیر انسان کے لئے اس دنیا میں زندہ رہنا ممکن نہیں۔

یہ صورتِ حال بتاتی ہے کہ موجودہ دنیا میں انسان دو طرفہ تقاضوں کے درمیان ہے۔ ایک اعتبار سے وہ آزاد ہے، اور دوسرے اعتبار سے وہ مجبور ہے۔ اپنے ارادے کے استعمال کے اعتبار سے وہ پوری طرح آزاد ہے۔ لیکن اس اعتبار سے وہ مجبور ہے کہ اپنے ارادے کا آزادانہ استعمال وہ خالق کے مقرر کیے ہوئے انفراسٹرکچر کے بغیر نہیں کر سکتا۔جبر و اختیار کی اس درمیانی صورتِ حال کو علم العقائد میں وَسَطِیّہ کہا جاتا ہے۔ یہی وسطیہ کا نظریہ اس معاملے میں صحیح نظریہ ہے۔

آدمي اگر صرف پهلي چيز كو ياد ركھے تو اس كےاندر بےعملي پيدا هوگي۔ اور اگر وه صرف دوسري چيز كو ياد ركھے تو اس كے اندر غير حقيقت پسندانه اعتماد پيدا هوگا۔ متوازن شخصيت كي تعمير كے لیے ضروري هے كه آدمي كي نگاه دونوں حقيقتوں كے اوپريكساں طور پر رهے۔

عبد الله بن مسعود رضي الله عنه كهتے هيں كه رسول الله صلى الله عليه وسلم نے هم سے فرمايا— اور آپ صادق ومصدوق هيں— تم ميں سے هر ايك كا وجود اس كي ماں كے پيٹ ميں چاليس دن تك نطفه كي صورت ميں رهتا هے۔ پھر وه اتنے هي دنوں تك علقه كي صورت ميں رهتا هے۔ پھر وه اتنے هي دنوں تك گوشت كے ٹكڑے كي صورت ميں رهتا هے، پھر الله ايك فرشته كو چار باتوں كے ساتھ بھيجتا هے۔ پھر وه لكھتا هے اس كا كام ا ور اس كي موت اور اس كا رزق اور يه كه وه شقي هے يا سعيد۔ پھر اس كے اندر روح پھونكي جاتي هے۔ پس اس ذات كي قسم جس كے سوا كوئي معبود نهيں تم ميں سے ايك شخص اهل جنت والا كام كرتا رهتا هے۔ يهاں تك كه اس كے اور جنت كے درميان صرف ايك هاتھ كا فاصله ره جاتا هے۔ پھر تقدير كا لكھا هوا اس پر غالب آجاتا هے۔ پھر وه اہلِ دوزخ كا كام كرتا هے۔ اور وه دوزخ ميں جاگرتا هے۔ اسي طرح تم ميں كا ايك شخص دوزخيوں كا عمل كرتا رهتاهے۔ يهاں تك كه اس كے اور دوزخ كے درميان صرف ايك هاتھ كا فاصله باقي رهتا هے۔ پھر تقدير كا لكھا هوا اس پر غالب آجاتا ہے۔ اور وه اهل جنت كا عمل كرتا هے پھر وه جنت ميں داخل هوجاتا هے (متفق عليه: صحیح البخاری، حدیث نمبر3208؛ صحیح مسلم، حدیث نمبر1)۔

اس حديث ميں ايك مثال كي صورت ميں فطرت كے ايك قانون كو بتايا گيا هے۔ اور وه يه كه آدمي كے انجام كا دارومدار اس كے آخري عمل پر هے۔ آدمي كو چاهیے كه اگر اس كو نيك عمل كي توفيق مل رهي هے تو وه اس پر گھمنڈ کی نفسیات میں مبتلا نه هو۔ عين ممكن هے كه بعد كو پيش آنے والي كسي آزمائش ميں وه پورا نه اترے اور اس كي زندگي كا رخ بدل جائے۔اسي طرح اگر كوئي شخص برائي ميں مبتلا هو تو لوگوں كو اس سے نفرت نهيں كرنا چاهیے۔ كيا معلوم اس پر كوئي ايسا تجربه گزرے جو اس كي اصلاح كردے اور اس كي زندگي كا رخ برائي سے نيكي كي طرف مڑ جائے۔

سهل بن سعد رضي الله عنه كهتے هيں كه رسول الله صلي الله عليه وسلم نے فرمايا: ايك بنده اهل دوزخ كا عمل كرتا هے۔ حالانكه وه اهلِ جنت ميں سے هوتا هے۔اور ايك بنده اهل جنت كا عمل كرتا هے۔ حالانكه وه اهلِ دوزخ ميں سے هوتا هے۔ اور اعمال كا اعتبار آخري عمل پر هے(متفق عليه: صحیح البخاری، حدیث نمبر6607، صحیح مسلم، حدیث نمبر112)۔

اس حديث كا مطلب يه هے كه آدمي كے انجام كا فيصله خصوصي امتحان كے وقت هوتا هے۔ یہ روایت کنڈیشننگ (conditioning) کے اصول سے اور بھی واضح ہوجاتی ہے۔ جیسا کہ ایک حدیث میں آیا ہے کہ ہر پیدا ہونے والالازمی طور پر اپنے ماحول سے متاثر ہوتا ہے، یہاں تک کہ وہ ماحول کا پروڈکٹ بن جاتا ہے (صحیح البخاری، حدیث نمبر1385) ۔ ایسی حالت میں ایمان قبول کرنا، اس کے ذہن کے لیے ایک ایسی حقیقت کوقبول کرنا ہے جو اس کے لیے بالکل نئی ہے۔اس لیے ہمیشہ یہ اندیشہ رہتا ہے کہ آدمی نئی چیز کو متاثر ذہن (conditioned mind) کے ساتھ دیکھے، اور اس کو درست طور پر سمجھ نہ سکے۔ ایسی حالت میں ہر شخص کے لیے ضروری ہے کہ وہ ایمان لانے سے پہلے پیشگی طور پر ایک کام کرے۔ یعنی اپنے ذہن کی ڈی کنڈیشننگ (deconditioning) تاکہ وہ ایمان و معرفت کے آئٹم کو کھلے ذہن کے ساتھ دیکھے، اور بے آمیز صورت میں اس کو لے سکے۔ایمان گویا تطہیر ذہن (purification of the mind) کا معاملہ ہے۔ اس تطہیر (purification) کے بغیر کوئی بھی شخص ایمان کو حقیقی طور پر نہیں پا سکتا۔ اس کے بغیر اگر وہ ایمان قبول کرتا ہے تو اس کا ایمان، قرآن کے مطابق، داخل القلب ایمان (49:14) نہ ہوگا، بلکہ وہ ایمان لپ سروس (lip service) کے طور پر ہوگا، اور لپ سروس والا ایمان اللہ کے یہاں معتبر نہیں ۔

ايك آدمي بظاهر اچھا عمل كرتا هے مگر کنڈیشننگ کی وجہ سے اس كے دل ميں كھوٹ رہتا هے۔ امتحان كے وقت يه كھوٹ سامنے آجاتا هے ۔اور وه اس كو برے انجام كا مستحق بنا ديتاهے۔ اسي طرح ايك آدمي بظاهر برا عمل كرتا هے مگر اس كے دل كے اندر سچائي كي تلاش کا جذبہ موجود ہوتا هے، پھر كوئي واقعه پيش آتا هے اس كے بعد يه چنگاري بھڑك اٹھتي هے اور اس كي زندگي برائي سے هٹ كر نيكي كے رخ پر چلنے لگتي هے۔ اس طرح ايك بظاهر برا شخص متلاشیٔ حق ہونے کی بنا پر آخرميں جنتي بن جاتاهے۔اور اس كے برعكس ايك بظاهر اچھا شخص اپنی کنڈیشننگ کی وجہ سے ابدی طور پر ناکام لوگوں كي فهرست ميں شامل ہو جاتا هے۔

عائشه رضي الله عنها كهتي هيں كه رسول الله صلي الله عليه وسلم كو ايك انصاري بچه كے جنازه ميں بلايا گيا ۔ ميں نے كها: اے خدا كے رسول، اسے خوش خبري هو كه وه جنت كي چڑيوں ميں سے ايك چڑيا هے جس نے نه تو گناه كيا اور نه گناه كا وقت پايا۔ آپ نے کہا: اے عائشه، اس كے سوا بھي هوسكتا هے۔ الله نے كچھ جنت والے پيدا کیے جنھيں ان كے باپ كي پيٹھوں ميں جنت كے لیے بنايا۔ كچھ آگ والے پيدا كیے جنھيں ان كے باپ كي پيٹھوں ميں دوزخ كے لیے بنايا (صحیح مسلم، حدیث نمبر 2662)۔

اس حديث ميں غالباً اس بات پر زور ديا گيا هے كه جنت ميں داخله كا تعلق عمر سے يا كسي اور نسبت سے نهيں هے۔ جنت ايك بے حد قيمتي جگه هے۔ قرآن کے مطابق، جنت وہ جگہ ہے جہاں تاریخِ انسانی کی ربّانی شخصیات سچائی کی دنیا میں ابدی جگہ پائیں گے (54:55)۔ جنت خدا کے پڑوس (66:11)میں رہنے کا نام ہے۔ اس ميں داخله كا استحقاق كسي كو صرف اللہ رب العالمین كی رحمت سے ملے گا۔ كوئي اور چيز آدمي كے لیے جنت كي قيمت نهيں بن سكتي۔

علي ابن ابي طالب رضي الله عنه كهتے هيں كه رسول الله صلي الله عليه وسلم نے فرمايا: تم ميں سے هر شخص كا ٹھكانا لكھا جاچكا هے، يا جهنم ميں يا جنت ميں۔ لوگوں نے كها كه اے خدا كے رسول، كيا هم اپنے لكھے هوئے پر بھروسه كرليں اور عمل كرنا چھوڑ ديں۔ آپ نے فرمايا كه تم لوگ عمل كرتے رهو۔ هر شخص كے لیے اُسي كو آسان كيا جائے گا جس طرف وہ بڑھے گا۔ چنانچہ جو شخص حق کا متلاشی هو اس كو حق كے راستہ كي توفیق دي جاتي ہے۔ اور جو آدمي اهل شقاوت ميں سے هو تو اس کے لیے ضلالت کا راستہ آسان ہوجاتاہے۔ اس كے بعد آپ نے قرآن كي سوره الليل سےیہ آیتیں (5-10) تلاوت فرمائي— پس جس نے مال خرچ کیا اور تقوی کا طریقہ اختیار کیا۔ اور اس نے بھلائی کو سچ مانا۔ تو اس کو ہم آسان راستہ کے لیے سہولت دیں گے۔ اور جس نے بخل کیا اور بے پروا رہا۔ اور بھلائی کو جھٹلایا۔ تو ہم اس کو مشکل راستہ کے لیے سہولت دیں گے(متفق عليه: صحیح البخاری، حدیث نمبر 1362؛ صحیح مسلم، حدیث نمبر2039)۔

’’آسان راستہ‘‘ یعنی فطری راستہ یا جنت کا راستہ۔ ’’مشکل راستہ‘‘ یعنی ابدی ناکامی کا راستہ۔ قرآن كي سوره الليل كي مذكوره آيتوں كي روشني ميں اس حديث كي تشريح كي جائے تو اس كا مطلب يه هوگا كه جنت يا جهنم كسي كو اتفاقي ا سباب سے نهيں ملتي۔ جس آدمي كے اندر سعادت كي چنگاري هو،یعنی جو سچائی کا متلاشی ہو، اس كو الله تعالي قبوليت دے كر اس كے لیےجنت كا راسته آسان كرديتا هے۔ اور جس كے اندر شقاوت كا مرض هو اس كو ايسے راستے كي طرف ڈھيل دے دي جاتي هے جو جهنم كي طرف جانے والا هو۔

Magazine :

Al-Risala Urdu-Hindi-Sep-Oct 2023

مطالعۂ حدیث

مطالعۂ حدیث

Subscribe