اختلاف كا معامله

قرآن ميں ايك حكم ان الفاظ ميں بيان كيا گيا هے:يٰٓاَيُّهَا الَّذِيْنَ اٰمَنُوْٓا اِنْ جَاۗءَكُمْ فَاسِقٌۢ بِنَبَاٍ فَتَبَيَّنُوْٓا اَنْ تُصِيْبُوْا قَوْمًۢا بِجَــهَالَةٍ فَتُصْبِحُوْا عَلٰي مَا فَعَلْتُمْ نٰدِمِيْنَ (49:6) يعني اے ايمان والو، اگر كوئي فاسق تمھارے پاس خبر لائے تو تم اچھي طرح تحقيق كرليا كرو، كهيں ايسا نه هو كه تم كسي گروه كو ناداني سے كوئي نقصان پهنچا دو، پھر تم كو اپنے كئے پر پچھتانا پڑے۔

قرآن كي اس آيت ميں اجتماعي زندگي كا ايك اصول بتايا گيا هے۔ وه يه كه جب كوئي شخص كوئي اختلافي بات كهے تو سننے والے كو ايسا نهيں كرنا چاهئے كه وه اس كو بدنيتي كا معامله سمجھ لے، اور كهنے والے كو برا آدمي سمجھنے لگے۔ اس كے بجائے صحيح طريقه يه هے كه اس طرح كے معاملے كو تحقيق كا معامله سمجھا جائے نه كه كسي شخص كے بارے ميں رائے قائم كرنے كا معامله۔ كسي كے بارے ميں رائے قائم كرنا صرف اتمام حجت كے بعدجائز هے، اس سے پهلے نهيں۔

اصل يه هے كه شكايت يا اختلاف كا سبب اكثر حالات ميں بے خبري اور غلط فهمي هوتا هے۔ لوگ معاملے كے بارے ميں صحيح معلومات نه هونے كي بنا پر ايك مخالفانه رائے قائم كرليتے هيں۔ كسي كے بارے ميں اس طرح رائے قائم كرنا درست نهيں۔ اسلامي تعليم كے مطابق، اتمام حجت سے پهلے تحقيق هے، اور اتمام حجت كے بعد رائے قائم كرنا۔

اجتماعي زندگي ميں اكثر ايسا هوتا هے كه لوگوں كو ايك دوسرے كے خلاف شكايت هوجاتي هے۔ يه شكايت بڑھتے بڑھتے نفرت بن جاتي هے، اور نفرت كے بعد مزيد برائياں پيدا هوتي هيں۔ مثلاً ايك دوسرے كو بدنام كرنا، ايك دوسرے كے خلاف الزام تراشي كرنا، ايك دوسرے كو اپنا دشمن سمجھ لينا۔ اس قسم كي اجتماعي خرابيوں كا سبب هميشه يهي هوتا هے كه لوگ تحقيق كے بغير رائے قائم كرليتے هيں، وه جو كچھ سنتے هيں، اس كو درست سمجھ ليـتے هيں۔ اس طريقے كا نتيجه بے حد سنگين هے— دنيا ميں ندامت اور آخرت ميں مواخذه۔