شرك خفي

’’اور جب اكيلے الله كا ذكر كيا جاتا هے تو ان كےدل كڑھنے لگتے هيں جو آخرت پر ايمان نهيں ركھتے۔ اور جب اس كے سوا دوسروں كا ذكر هوتا هے تويكايك خوش هوجاتے هيں‘‘ (الزمر، 39:45)

مفسر آلوسي نے اس آيت كي تفسير ميں اپنا ايك ذاتي واقعه بيان كيا هے۔ انھوں نے ديكھا كه ايك شخص اپني كسي مصيبت ميں ايك مرے هوئے بزرگ كو پكار رها هے۔ انھوں نے كها، اے شخص! خدا كو پكار۔ وه خود فرماتا هے : وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ (البقرة186 ) ان كي يه بات سن كر آدمي سخت غصه ميں آگيا۔ بعد كو لوگوں نے انھيں بتايا كه وه كهتا هے تھا كه ’’آلوسي اولياء كے منكر هيں‘‘۔ كچھ لوگوں نے اس كو يه كهتے هوئے سنا كه الله كي نسبت سے ولي جلد سن ليتےهيں (تفسير الآلوسي، 12/266)۔

يه ذهنيت كبھي كھلي كھلي غير الله پر اعتماد كي صورت ميں ظاهر هوتي هے جس كوشرك جلي كهاجاتا هے۔ كبھي يه ذهنيت شرك خفي كي صورت ميں هوتي هے جس كو آج كل كي زبان ميں شخصيت پرستي كهاجاسكتا هے۔

آپ كثرت سے ايسے مذهبي حلقے پائيں گے جهاں بظاهر ’’الله الله‘‘ كا ورد هوتا هے اور قرآن پڑھاپڑھايا جاتا هے، ليكن اگر وهاں كي مجلسوں ميں خدا كي باتوں كا چرچا كيجئے تو لوگوں كو كوئي خاص دل چسپي نهيں هوگي۔ اس كے برعكس اپني پسنديده شخصيتوں كے چرچے رات دن هوتے رهتے هيں اور اس سے ان كي دل چسپي كبھي ختم نهيں هوتي۔

اكثر حالات ميں شرك خفي، شرك جلي سے بھي زياده خطرناك هوتا هے۔ بظاهر برانه دكھائي دينے كي وجه سے اكثر لوگ اس ميں مبتلا رهتے هيں۔ حتي كه وه لوگ بھي جو شرك جلي كے خلاف لساني اور قلمي جهاد هي كو اپنا مشغله بنائے هوئے هيں۔

قرآن ميں ارشاد هوا هے كه اهلِ ايمان سب سے زياده الله سے محبت كرنے والے هوتے هيں (البقر ة 165 ) ۔دوسري جگه ارشاد هوا هے كه هدايت يافته وه هے جو الله كے سوا كسي سے نه ڈرے (التوبة18)۔ اس سے معلوم هوا كه توحيد يه هے كه شديد محبت اور شديد خوف كا تعلق صرف ايك الله سے هوجائے۔ اس كے مقابله ميں شرك يه هے كه آدمي اپني شديد محبت اور اپنے شديد خوف كا مركز الله كے سوا كسي اور كو بنا لے، خواه وه كوئي زنده هو يا مرده۔اس معيار پر جانچئے تو معلوم هوگا كه بهت سے لوگ جو اپنے كو شرك سے محفوظ سمجھتے هيں وه دراصل كچھ علامات شرك سے محفوظ هيں نه كه في الواقع حقيقت شرك سے۔