دوركاوٹ

ردّ شرك اوراثبات توحيد كي يه تحريك قديم زمانه ميں كيوں عملي انقلاب كے درجه تك نه پهنچ سكي۔ اس كا سبب خاص طورپر دو تھا : ايك، بادشاهت كا نظام، دوسرے، توهماتي افكار كا غلبه۔ يهي دو بنيادي اسباب تھے جو پيغمبروں كے مشن كے خلاف ايك مستقل ركاوٹ بنے رهے۔

پيغمبر اسلام صلي الله عليه وسلم سے پهلے كے دور ميں مشركانه بادشاهت كا نظام قائم تھا۔ موجوده زمانه ميں جمهوري سياست كا اصول رائج هے۔ سياسي ليڈر عوامي ووٹوں كے ذريعه اپنے لئے حكمراني كا حق حاصل كرتے هيں۔ قديم زمانه كے بادشاه اس كے برعكس يه كرتے تھے كه وه لوگوں كو يه يقين دلا كر حكومت كرتے تھے كه هم خدا كے نمائندے هيں۔ هم خدا كي اولاد هيں۔

 اسي نظريه كے تحت قديم زمانه ميں سورج ونشي اور چندر ونشي كا عقيده پيدا هوا۔ گويا موجوده زمانه ميں حكومت كي بنياد سيكولر جمهوريت هے جب كه قديم زمانه ميں حكومت كي بنياد مشركانه عقيده پر هوتي تھي۔ اسي واقعه كي طرف قرآن ميں ان الفاظ ميں اشاره كياگيا هے: أَنَا رَبُّكُمُ الْأَعْلٰى (النازعات 24)۔ اس بنا پر يه بادشاهوں كے عين سياسي مفاد ميں تھا كه شرك كا عقيده دنيا ميں قائم رهے۔چنانچه ان كي خصوصي سرپرستي كے تحت عبادت گاه سے لے كر جينے مرنے كي رسموں تك زندگي كا پورا نظام شرك كے اوپر قائم هوگيا تھا۔

يه مشركانه نظام قديم زمانه ميں هزاروں سال تك تمام دنيا ميں چھايا رها۔ بادشاهوں كي سرپرستي كي بنا پريه مشركانه نظام اتنا زياده طاقتور هوگيا كه وه هميشه پيغمبروں كے خلاف ايك مؤثر ركاوٹ بنا رها۔ اسي كا يه نتيجه تھا كه قديم زمانه ميں پيغمبروں كي تحريك صرف پيغام رساني كے مرحله تك محدود رهي، وه وسيع تر عملي انقلاب كے مرحله تك نه پهنچ سكي۔

اس سلسله ميں دوسري ركاوٹ وه تھي جس كو توهماتي افكار كا دَور كها جاسكتا هے۔ قديم زمانه ميں جب كه جديد قسم كي سائنسي دريافتيں نهيں هوئي تھيں، انسان فطرت كے مظاهر كي صحيح نوعيت كونهيں سمجھ پايا تھا۔ وه ديكھتا تھا كه دنيا ميں مختلف قسم كي حيران كن چيزيں هيں۔ سورج،چاند، ستارے،پهاڑاور سمندر، زمين اور آسمان، درخت اور حيوانات وغيره وغيره۔

 مظاهر كے اس تعدد كو ديكھ كر انسان اس غلط فهمي ميں مبتلا هوگيا كه ان كے خالق بھي كئي هيں يا يه كه مختلف مظاهر خود مختلف خداؤں كا ظهور هيں۔ اس طرح تعدّدِ مظاهر كي بنا پر تعدّدِ الٰه كا نظريه پيدا هوا۔ يهاں تك كه سورج اور چاند كوان كے غير معمولي پن كي بنا پر خدا يا ديوتا سمجھا جانے لگا۔ انسان كے لئے يه ناقابل يقين هوگيا كه جب مخلوقات ميں اتنا زياده تنوع اور تعدد هے تو ان سب كا خدا ايك كيسے هوسكتا هے۔

اسي حقيقت كي طرف خداكے پيغمبر حضرت ابراهيم نے ان الفاظ ميں اشاره كيا تھا: رَبِّ اِنَّهُنَّ اَضْلَلْنَ كَثِيْرًا (ابراهيم36) يعني فطرت كے يه نماياں مظاهر (سورج، چاند وغيره) نے انسان كو دھوكه ميں ڈال ديا۔ لوگ انھيں مظاهر كو عظيم سمجھنے لگے۔ حالانكه انھيں چاهيے تھا كه وه ان تمام چيزوں كوعظيم خدا كي مخلوق سمجھيں۔ مگر اس كے برعكس انھوں نے خود مخلوقات هي كو خدا سمجھ كر ان كو پوجنا شروع كرديا۔

موجوده زمانه ميں مذكوره دونوں افسانوں كا خاتمه هوگيا۔ ايك طرف جمهوري افكار كے ذريعه ساري دنيا ميں جو طاقتور سياسي انقلاب آيا اس نے قديم طرزكي مشركانه بادشاهت كا هميشه كے لئے خاتمه كرديا۔

اب آج كي دنيا ميں قديم طرز كے بادشاهوں كا كهيں وجود نهيں۔ وه جديد جمهوريت كے سيلاب ميں خس وخاشاك كي طرح بهه گئے۔ اس جديد سياسي انقلاب كے بعد مشركانه عقيده يا مشركانه نظام اس موثر سرپرستي سےمحروم هوگيا جو ردّ شرك اوراثباتِ توحيد كي دعوت ميں طاقتور ركاوٹ بنا هوا تھا۔ اب يه امكان پوري طرح كھل گيا هے كه پيغمبرانه دعوت كو بھر پور طورپر جاري كيا جائے اوراس كواس طرح چلايا جائے كه اول سے آخر تك كسي بھي مرحله ميں اس كوكسي مزاحمت كا خطره نه هو۔