سائنس كے دور ميں
اسي طرح جديد سائنس كے ظهور نے شرك كي دوسري بنياد كوبھي ختم كرديا۔ موجوده زمانه ميں سائنسي دريافتوں كے ذريعه يه افسانه هميشه كے لئے ختم هوگيا كه فطرت كے مظاهر ميں كوئي حقيقي تعدد هے يا انھيں كوئي ذاتي عظمت حاصل هے۔
جديد سائنس نے ايك طرف يه كيا كه اپنے تجزيه اور تجربه كے ذريعه آخري طورپر يه ثابت كرديا كه تمام چيزيں، ظاهري تعدد كے باوجود، اپنے آخري تجزيه ميں صرف ايٹم كا مجموعه هيں۔ اور ايٹم برقياتي لهروں كا مجموعه هے۔ اس دريافت كے بعد فطرت ميں تعدد كا افسانه ختم هوگيا۔ تمام چيزيں ظاهري فرق كے باوجود، اپني حقيقت كے اعتبار سے ايك ثابت هوگئيں۔ گويا علم كي اگلي ترقي نے مشركانه نظريه كو رد كركے توحيد كے نظريه كے ليے ايك ثابت شده بنياد فراهم كردي۔
اسي كے ساتھ جديد سائنس نے د وسري بات يه ثابت كي كه زمين ميں يا وسيع خلا ميں جتني بھي چزيں هيں وه سب كي سب بے بس مخلوق هيں۔ سب كي سب ايك محكم قانون فطرت ميں بندھي هوئي هيں۔ انھيں كسي بھي درجه ميں كوئي ذاتي اختيار يا اقتدار حاصل نهيں۔
تاهم توهمات كا ابھي تك مكمل خاتمه نهيں هوا۔ ذاتي زندگي ميں آج بھي ساري دنيا ميں كروڑوں لوگ پراسرار قسم كے توهمات ميں يقين ركھتے هيں۔ اهلِ علم طبقه كي بهت بڑي تعداد ايسي هے جو ديوي ديوتاؤں كو تونهيں مانتي مگر اب بھي وه خدائے واحد تك نهيں پهنچي۔
فرق صرف يه هے كه ان كي پچھلي نسليں اگر ديوي ديوتاؤں ميں اٹكي هوئي تھيں تو اب قانون فطرت كے نام سے انھوں نے ايك اور معبود كو فرض كرليا هے اور اس كو اپنے ذهن ميں اسي طرح بٹھائے هوئے هيں جس طرح قديم انسان ديوي ديوتاؤں كو بٹھائے هوئے تھا۔
قديم زمانه ميں انساني زندگي ميں اورانساني سماج ميں بے شمار برائياں پيدا هوگئي تھيں۔ ان كے نتيجه ميں انسان اپني فطري عظمت سے محروم هوگيا تھا۔ يه پيغمبر اسلام اور آپ كے اصحاب كے ذريعه اٹھائي هوئي تحريك توحيد تھي جس نے دنيا كو اس المناك دور سے نكالا اور انسانيت كو حقيقي معني ميں ترقي كے دورميں داخل كيا۔
انسان پهلي بار ان سعادتوں سے همكنار هوا جو خدا نے اس كے لئے مقدر كي تھيں مگر خود ساخته توهمات كے نتيجه ميں اس نے اپنے آپ كو ان سے محروم كر ركھا تھا۔ انسانيت تاريكي كے طويل دور سے نكل كر روشني كے نئے دور ميں داخل هوگئي۔ اب بظاهر مادي ترقيوں كے باوجود انسان دوباره مسائل كے اندھيروں ميں گرفتار هوگيا هے۔ خوشنما تمدن كے اندر وه حقيقي خوشي اور سكون سے محروم هے۔ انسان كي فطري عظمت دوباره پستيوں كے نئے كھڈ ميں جاگري هے۔
اب ضرورت هے كه توحيد كي دعوت كو ازسرنو نئي طاقت كے ساتھ زنده كيا جائے۔ ايك طرف اس كو نئے دلائل اور نئے اسلوب كے ذريعه زياده سے زياده قابل قبول بنايا جائے اور دوسري طرف جديد ذرائع اشاعت كو استعمال كركے اس كو ساري دنيا ميں پھيلاديا جائے۔ يهاں تك كه وه وقت آجائے جس كو پيغمبر اسلام صلي الله عليه وسلم نے اپني ايك تاريخي پيش گوئي ميں اس طرح فرمايا تھا — ايك وقت آئےگا جب كه خدا كے دين كا پيغام ساري دنيا ميں پھيل جائے گا۔ كوئي گھر يا كوئي خيمه ايسا نه بچے گا جس كے اندر توحيد كا كلمه پهنچ نه گيا هو۔
