مقامات حج

مکہ :       عرب کا مشہور شہر جہاں حضرت ابراہیم نے بیت اللہ کی تعمیر کی تھی۔

مدینہ:     اس کا قدیم نام یثرب تھا۔ رسول اللہ صلی اللہ علیہ و سلم ہجرت کرکے یہاں آئے تو اس کا نام مدینہ پڑ گیا۔

بدر:      وہ مقام جہاں مخالفین اسلام کے ساتھ پہلی جنگ پیش آئی۔

شمیسیہ:    وہ مقام جہاں رسول اللہ صلی اللہ علیہ و سلم نے اپنے اصحاب سے بیعت رضوان لی تھی۔

یلَم لَم:     ہندوستان، پاکستان، یمن وغیرہ کی طرف سے آنے والے حاجیوں کی میقات۔

جُحفہ:      رابغ کے جنوب مشرق میں 17 کلومیٹرکے فاصلے پر واقع ہے۔یہ مصر، شام،یورپ وغیرہ کی طرف سے آنے والے حاجیوں کی میقات ہے۔

ذاتِ عرق: یہ عراق کی طرف سے آنے والے حاجیوں کی میقات ہے۔

قرن المنازل:       ایک پہاڑی۔ یہ نجد والوں کی میقات ہے۔

ذوالحلیفہ:   موجودہ نام ابیار علی۔ یہ مدینہ کی طرف سے آنے والوں کی میقات ہے۔

حراء:      مکہ کے قریب ایک غار جس میں رسول اللہ صلی اللہ علیہ و سلم پرپہلی وحی اتری تھی۔

اُحد:      مدینہ کے قریب ایک پہاڑ کا نام جہاں مشہور غزوۂ احد پیش آیا تھا۔

صفاء:     بیت اللہ کے قریب کی ایک پہاڑی جہاں سے حاجی لوگ سعی شروع کرتے ہیں۔

مروہ:     ایک پہاڑی چٹان جہاں سعی ختم کی جاتی ہے۔

جبل نور:   مکہ کے قریب ایک پہاڑ جس کے اوپر غارِ حراء واقع ہے۔

جبل ثور:   ایک پہاڑ جس کے غار میں رسول اللہ صلی اللہ علیہ و سلم نے ہجرت کے موقع پر تین رات قیام کیا۔

جبل رحمت:        میدانِ عرفات کی پہاڑی جہاں رسول اللہ صلی اللہ علیہ و سلم نے حجۃ الوداع کا خطبہ دیا تھا۔

جبل تکبیر: منیٰ میں واقع ایک پہاڑ کا نام ہے۔

جبل قزح: مزدلفہ میں واقع ایک پہاڑ کا نام ہے۔

جنت المعلیٰ: مکہ کا قبرستان، جس میں حضرت خدیجہؓ، وغیر ہ کی قبریں ہیں۔

جنت البقیع: مدینہ کا بڑا قبرستان۔

مسجد قبا:   مدینہ کے قریب ایک مسجد جو اسلام میں سب سے پہلے بنائی گئی۔

مسجد قبلتین:       وادی عقیق کے قریب کی ایک مسجد جس میں تحویل قبلہ کا حکم نازل ہوا۔

مسجد خیف: منیٰ میں واقع ایک مسجد۔ یہاں حاجی 8ذی الحجہ کو قیام کرتے ہیں۔

مسجدنمرہ:  عرفات کے کنارے ایک مسجد جہاں 9ذی الحجہ کو ظہر و عصر کی نماز جمع کرکے پڑھی جاتی ہے۔

مساجدالخمسہ:        مدینہ کی پانچ مسجدیں۔ کہا جاتا ہے کہ غزوۂ احزاب کے موقع پر یہیں خندق کھودی گئی تھی۔

مزدلفہ:    عرفات اور منیٰ کے درمیان ایک میدان جومنیٰ سے بجانب مشرق دو میل کے فاصلہ پرہے۔

مشعر الحرام:        مزدلفہ میں ایک مقام جہاں وقوف کیا جاتا ہے۔

وادیٔ محسّر: مزدلفہ سے ملا ہوا ایک میدان جہاں پر خدا نے اصحاب فیل پر عذاب نازل کر کے ان کو ہلاک کر دیاتھا۔

بئر عثمان:  مدینہ کے قریب ایک قدیم کنواں ہے جو حضر ت عثمان کی طرف منسوب ہے۔

منیٰ:      ایک مقام کا نا م جو مکہ سے تین میل کے فاصلہ پر ہے۔ یہیں جمرات پر رمی کی جاتی ہے۔

عرفات:   ایک بڑا میدان جہاں حاجی 9 ذی الحجہ کو قیام کرتے ہیں۔