اصطلاحاتِ حج

میقات:   مکہ سے پہلے کا وہ مقام جہاں سے احرام باندھا جاتا ہے۔

احرام:     حج یا عمرہ کی نیت کرکے خاص طرح کا سادہ لباس پہننا۔

تلبیہ:     لَبَّيْكَ اللّٰهُمَّ لَبَّيْكَ والی دعا پڑھنا۔

تہلیل:    لا الٰہ الا اللہ محمد رسول اللہ پڑھنا۔

طواف:    خانہ کعبہ کے گردسات چکر لگانا۔ طواف کی کئی قسمیں ہیں۔ مثلاً طواف قدوم، طواف زیارت، طواف وداع۔

مطاف:    خانہ کعبہ کے گرد کی وہ جگہ جہاں گھوم کر طواف کیا جاتا ہے۔

عمرہ :      حج اصغر، یعنی احرام باندھ کر کعبہ کا طواف کرنا اور صفا و مروہ کے درمیان سعی کرنا۔

حج افراد:   صرف حج کا احرام باندھنا۔ وہ شخص مفرد ہے جو اس طرح احرام باندھے۔

قران:     حج اور عمرہ دونوں کا احرام ایک ساتھ باندھنا۔ ایسا کرنے والے کو قارن کہتے ہیں۔

تمتع:      حج کے زمانہ میں احرام باندھ کر عمرہ کرنا اور پھر کچھ دنوں کے لیے احرام کھول کر حج کے لیے دوبارہ احرام باندھنا۔ ایسے شخص کو متمتع کہا جاتا ہے۔

رمل:     طواف کے وقت اکڑ کر چلنا اور کندھوں کو ہلانا۔

اضطباع:  احرام کی دو چادروں میں سے اوپر والی چادر کو دائیں بغل سے نکال کر بائیں کندھےپر ڈالنا۔

سعی:      صفا اور مروہ کے درمیان سات مرتبہ آنا جانا۔

میلین اَخضرین:       وہ سبز ستون جن کے درمیان سعی کرنے والے کو تیز چلنا ہوتا ہے۔

شوط:      کعبہ کے گرد ایک چکر یا صفا و مروہ کے درمیان ایک چکر لگانے کو شوط کہتے ہیں۔

استلام:    حجر اسود کو چھونا یا اس کا بوسہ لینا یا دونوں ہتھیلی کو اس طرف کرکے چومنا۔

وقوف:    عرفات کے میدان میں اور مزدلفہ میں پہنچ کر کچھ دیر ٹھہر نا۔

رمی:      جمرہ پر کنکریاں پھینکنا۔ جمرات تین ہیں: جمرۂ اولیٰ، جمرۂ وسطیٰ، جمرۂ عقبہ۔

جمرات:   جمرۂ اولیٰ، جمرۂ وسطیٰ، جمرۂ عقبہ۔ یہ تینوں مسجد خیف کے پاس ہیں۔

تحلیق:    قربانی کے بعد بال منڈانا۔

تقصیر:     قربانی کے بعد بال ترشوانا۔

حطیم:     خانہ کعبہ کا وہ حصہ جو پہلے اس کا جزء تھا مگر اب اس سے باہرہے۔

حجر اسود:   وہ پتھر جو کعبہ کے جنوب مشرقی کونے میں نصب ہے۔

آفاقی:     وہ مسلمان جو حج کے لیے حدود میقات کے باہر سے آیا ہو۔

اہل حل:   وہ لوگ جو میقات کی حدود کے اندر اور حدود حرم سے باہر رہتے ہوں۔

اہل حرم:   مکہ اور حرم میں بسنے والے لوگ۔

ہدی:      وہ جانور جو قربانی کی نیت سے حاجی اپنے ساتھ لے جاتے ہیں۔

تقلید:     قربانی کے جانور کے گلے میں پٹہ باندھنا۔

رفث:     بے ہودہ باتیں کرنا۔ ایسی باتیں ایام حج میں حرام ہیں۔

نحر:       قربانی جو رمی کے بعد منیٰ میں کی جاتی ہے۔

ملتزم:     حجرِ اسود اور کعبہ کے دروازہ کے درمیان کی جگہ جہاں خصوصی دعا کی جاتی ہے۔

رکن اسود: کعبہ کا چوتھا گوشہ جہاں سے حجر اسود کا استلام کرکے طواف شروع کیا جاتا ہے۔

مقام ابراہیم:       وہ پتھر جس پر کھڑے ہوکر حضرت ابراہیم نے خانہ کعبہ کی تعمیر کی تھی۔

کفارہ:     حج کی ادائیگی میں غلطی کی تلافی کے لیے قربانی دینا یا صدقہ دینا۔